1 Akkasumas amma, jaal’atamoo obboloota koo, ani waa’ee kakuuwwan isa Gooftaan mana Israa’el hundumaa wajjin galee akka isin beektaniif waantota kana dubbiseera—

2 Inni jalqabuma irraa kaasee, dhalootaa irraa gara dhalootaatti, hamma yeroo isaan itti gara waldaa isa dhugaatti akkasumas karra Waaqayyootti deebi’anii dhufanitti; yeroo isaan itti biyya dhaala isaanii iddoo isa jalqabaatti walitti qabaman, akkasumas biyyoota isaanii warra abdachiifaman hundumaa keessatti hundeeffaman akka dhufu. afaan raajota qulqulloota isaatiin warra Yihuudotaatti dubbateera.

3 Kunoo, jaal’atamoo obboloota koo, ani waantota kana kanan isinitti dubbadhuuf Waaqayyo Gooftaan ijoollee keessan irratti eebbota isaa waan dhangalaaseef, isin akka gammaddaniif, akkasumas akka isin bara baraan mataa keessan ol kaastaniifiidha.

4 Isin keessaa baay’een, waa’ee waantota gara fuul-duraatti dhufuuf jiranii beekuudhaaf, baay’ee akka qorattan ani nan beeka; kanaafuu foon keenya dulloomee akkasumas fi akka du’uuf jiru isin akka beektan ani nan beeka; haa ta’u malee, nuyi qaamota keenyaan Waaqayyoon ni argina.

5 Eeyyee, inni qaama isaatiin warra Yerusaalem keessa jiraataniitti, iddoo nuyi irraa dhufnetti ofii isaa mul’isuuf akka jiru akka isin beektan ani nan beeka; sababni isaa kunisaan gidduutti ta’uun isaa barbaachisaadha; sababni isaa kun namoonni hundinuu bitamoo akka isaaf ta’aniif, akkasumas Uumaan inni guddaan ofii isaatii namaaf bitamaa ta’uuf inni heyyamuun, akkasumas nama hundumaaf du’uun isaa barbaachisaa ture.

6 Sababa kufaatii namaatiin duuti dhala namaa hundatti waan dhufeef, karoorri Uumaa Guddichaa araaraan guutame akka raawwatamuuf, humni humna du’aa ka’uu jiraachuun dirqamadha; du’aa ka’uun sababa kufaatii namaatiin dhufuun dirqamadha; kufaatiin kan dhufe sababa irra daddarbaa namaatiiniidha, akkasumas sababa dhalli namaa kufeef fuula Waaqayyoootii adda baafaman.

7 Kanaafuu, gatiin kaffaltii cubbuu daangaa hin qabne jiraachuun barbaachisaadha—gatiin kaffaltii cubbuu daangaa kan hin qabneutuu ta’uudhaa baatee waanti tortoru kun waan hin tortorre uffachuu hin danda’u ture. Kanaafuu, firdiin inni jalqabaa inni nama irratti dhufu sun turtii yeroo dhuma hin qabneef hafuutu irra ture. Akkas osoo ta’eera ta’ee, foon kun du’ee tortoree fimanca’ee lammata akka hin kaanetti gara haadha isaa lafaattis in deebi’a.

8 Yaa ogummaa Waaqayyoo, araaraa fi ayyaana isaa! Sababni isaa kunoo, foon kana booda utuu ka’uu baatee hafuurri keenya silaa ergamaa isa fuula Waaqayyo isa Bara Baraa duraa kufe sanaaf bitamaa ta’a ture, akkasumas daabiloosiin ta’a, deebi’anii ka’uunis hin jiraatu.

9 Akkasumas, hafuuronni keenyas akka isaa ta’u turan, akkasumas nuyi daabiloosota taana, ergamootas daabiloosiif ta’uudhaan, fuula Waaqayyo keenyaa duraas akka gadi darbatamnuuf, akkasumas abbaa sobaa sanaa wajjin, rakkina keessatti, akkuma isaa warra hafanii; eeyyee, maatiiwwan keenya warra jalqabaa akkuma goowwomsee ture, ofii isaas ergamaa ifaa ta’ee isa mul’achuuf baay’ee of fakkeessee, akkasumas garee dhoksaa ajjeechaa fihojii dukkanaa dhokataa gosa hundumaatti ilmaan namaa kakaasaa ture sanaa in taana turre.

10 Yaa gaarummaa Waaqayyo keenyaa, inni harka bulguu hamaa kana jalaa akka nuyi baanuuf karaa nuuf qopheesse kun akkam guddaadhaa; eeyyee, bulgichi isa, du’aa fi si’oolii kan ani du’a qaamaa, akkasumas immoo du’a hafuuraa jedhee waamuudha.

11 Akkasumas sababii Waaqayyo keenya inni Qulqulluu kan Israa’eliin ta’e, karaa ittiin oollu nuuf qopheesseef, du’i inni kun, kanan ani waa’ee isaa dubbadhe, inni isa kan yeroo ta’e, du’aa isaa ol baasee ni kenna; kunis du’a isa awwaalamaniidha.

12 Akkasumas, du’a hafuuraa inni ta’e, duuti inni ani waa’ee isaa dubbadhee kun, inni warra du’an dabarsee ni kenna; du’i hafuuraa kunis si’ooliidha; kanaafuu, du’ii fi si’ool du’aa isaanii dabarsanii kennuu qabu, akkasumas si’oolis hafuurota booji’e dabarsee kennuu qaba, akkasumas awwaalchis qaamaabooji’e dabarsee kennuutu irra jira, akkasumas hafuuronnii fi foon namootaa inni tokko gara iddoo isa kaaniitti ni deebi’a; akkasumas kunis humna du’aa ka’uu Qulqulluu kan Israa’eliin ni ta’a.

13 Yaa karoora Waaqayyoo keenyaa akkam guddaadha! Gama biraatiin, jannatni Waaqayyoo hafuura warra qajeelota, akkasumas awwaallis foon warra qajeelotaa dabarsee kennuu qaba; akkasumas hafuurri fi qaamni akka duraan turanitti ofuma isaaniitiin iddootti deebi’anii walitti in deebi’u, akkasumas namoonni hundinuus kan hin tortorre, akkasumas kan hin duune ni ta’u, akkasumas nuyis beekumsa guutuu ta’uu irraa kan hafe, isaanis akkuma keenya fooniin, isaan lubboota jiraatoo, warra beekumsa guutuu kana qaban ni ta’u.

14 Kanaafuu, nuyi waa’ee dogongoroota keenya hundumaaf, akkasumas xuraa’ummaa keenya, akkasumas qullaa ta’uu keenyaas beekumsa isa guutuu ta’e nii qabaanna; akkasumas warri qajeelonni qulqullummaa uffachuudhaan, eeyyee, qoloon qajeelummaas irratti dabalameefii, waa’ee gammachuu isaanii fi qajeelummaa isaaniif beekumsa guutuu nii qabaatu.

15 Akkasumas, akkas ni ta’a; namoonni hundinuu du’a isa jalqabaa kana irraa gara jireenyaatti yommuu darbanitti isaan warra hin duune ta’anitti, isaan teessoo firdii isa kan Qulqulluu kan Israa’eliin duratti dhiyaachuu qabu; akkasumas isa booda firdiin ni dhufa, akkasumas sana booda akkaataa firdii Waaqayyo isa Qulqulluutti isaanitti in faradama.

16 Akkasumas dhugaa, akkuma Waaqayyo jiraataa ta’e, Waaqayyo Gooftaan dubbateera, akkasumas dubbiin isaa kana bara baraa osoo hin raawwatamin kan darbuu hin dandeenye, isaan warri qajeeloota ta’an amma iyyuu qajeeloota ni ta’u, akkasumas isaan warri xuraa’onnis amma iyyuu xuraa’oota nii ta’u; kanaafuu, isaan warri xuraa’onni daabiloosii fi ergamoota isaadha; akkasumas isaanis gara ibidda bara baraatti, iddoo isa isaaniif qophaa’ee tureetti nii adeemu; akkasumas dhiphinni isaaniis akka ibidda isa bara baraan ol ka’uuti, akkasumas innis akka kuufama abiddaa isa balalchuu, akkasumas dhagaa boba’uuti, akkasumas isa dhuma hin qabneeti.

17 Yaa guddummaa fi haqummaa Waaqayyoo keenyaa! Sababni isaa inni dubbiiwwan isaa hundumaa in raawwata, akkasumas isaan afaan isaa keessaa ba’aniiru, akkasumas seerri isaas raawwatamuu qaba.

18 Garuu, kunoo, warri qajeelonni, warri qulqulloonni Qulqulluu kan Israa’el, isaan warri Qulqulluu kan Israa’elitti amanan, isaan warri fannoo biyya lafaa obsaan danda’an, akkasumas salphina ishee tuffatanis, isaan kun mootummaa Waaqayyoo isa hundeefamuu biyya lafaa irraa kaasee isaaniif qophaa’ee ture in dhaalu, akkasumas gammachuun isaanii bara baraan guutuu nii ta’a.

19 Yaa guddummaa araara Waaqayyoo keenyaa, isa Qulqulluu kan Israa’elii! Sababni isaa inni qulqulloota isaa bineensa isa sodaachisaa ta’e daabiloosiin jalaa, akkasumas du’a jalaa, akkasumas si’ool jalaa, akkasumas kuufama ibiddaa fi dhagaa boba’uu isa dhiphina dhuma hin qabnee, sana jalaas in oolcha.

20 Yaa qulqullummaa Waaqayyoo keenyaa akkam guddaadhaa! Sababni isaa inni waantota hundumaa in beeka, akkasumas isa inni beeku malees waanti tokko illee hin jiru.

21 Akkasumas, inni namoonni hundumtuu sagalee isaa kan dhaggeeffatan yoo ta’e akka fayyaniif inni gara biyya lafaa in dhufa; sababni isaa kunoo, inni dhukkuboota namoota hundumaa, eeyyee, dhukkuboota uumama lubbuu qaban hundumaa, kan dhiirota, kan dubartootas, akkasumas ijoollee, warra miseensa maatii Addaamiin ta’an hundumaaf, in dhiphata.

22 Akkasumas, inni kana hundumaa kan dhiphatuuf du’aa ka’uun namoota hundumaaf dhufuu akka danda’uuf, guyyaa guddaa fi firdii sanattis hundumtuu fuula isaa dura dhaabbachuu akka danda’aniifiidha.

23 Akkasumas, inni namoonni hundumtuu Qulqulluu kan Israa’eliin irratti amantii guutuu qabaatanii, akka yaada garaa isaanii geeddaratan, akkasumas maqaa isaatiin akka cuuphamaniif isaan in abbooma, yookiin isaan mootummaa Waaqayyoo keessatti fayyuu hin danda’an.

24 Akkasumas, yoo isaan maqaa isaatti hin amanne, akkasumas yaada garaa hin geeddaranne, akkasumas maqaa isaatiinis hin cuuphamne, akkasumas hamma dhumaattis yoo hin dhabanne, isaaniitti faradamuu qaba; sababni isaa Waaqayyo Gooftaan, inni Qulqulluu kan Israa’el, kana dubbateera.

25 Kanaafuu, inni seera kenneera; akkasumas iddoo seerri hin kennamnetti adabbiin hin jiru; akkasumas iddoo adabbiin hin jirretti firdiin hin jiru; akkasumas firdiin iddoo hin jirretti araarri Qulqulluu kan Israa’el isaan irratti in dhufa, sababa gatii kaffaltii cubbuutiif; isaan humna isaatiin in oolu.

26 Sababni isaa iddoo isa sodaachisaa fi bulguu hamaa jalaa, du’a irraa, si’ool jalaa, akkasumas dabiloosiin jalaa, akkasumas dhiphina kuufama abiddaa fi dhagaa boba’u isa dhuma hin qabne jalaa akka oolaniif, warra seerri hin kennamneef hundumaa irratti gatiin kaffaltii cubbuu inni haqummaadhaan waanta barbaachisu hundumaa in raawwata; akkasumas isa hafuura jireenyaa isaaniif kenneen, isa Qulqulluu kan Israa’el ta’een, gara Waaqayyootti in deebi’u.

27 Garuu isa seerri isaaf kennameef, eeyyee, isa akkuma keenyaatti abboommota Waaqayyoo hundumaainni qabu, akkasumas inni isaan irra daddarbu, akkasumas isa guyyoota yaalii isaa akkasumaan balleessuuf wayyoo, sababni isaa dhumni isaa sodaachisaadha!

28 Yaa karoora haxxummaa isa badii sanaa! Yaa isa waa’ee hin baafnee, akkasumas dadhabinaa, akkasumas gowwummaa namootaa! Yeroo baratanitti isaan akka ogeeyyiitti of yaadu, akkasumas isaan ofii isaanii warra beekan waan of se’aniif isaan gorsa Waaqayyoos waan hin barbaanneef hin dhaggeeffatan, kanaafuu ogummaan isaanii gowwummaa waan ta’eef akkasumas isaan hin fayyadu. Akkasumas isaan ni badu.

29 Garuu isaan gorsoota Waaqayyoo yoo dhaggeeffatan barachuun gaariidha.

30 Garuu warra sooressootaaf, warra waantota biyya lafaatiin sooressoota ta’aniif wayyoo. Sababni isaa isaan sooressa waan ta’aniif hiyyeessota in tuffatu, akkasumas isaan warra gadi of deebisanis in ari’atu, akkasumas garaan isaanii qabeenya isaanii irra jira; kanaafuu, qabeenyi isaanii waaqa isaaniiti. Akkasumas kunoo, qabeenyi isaaniis immoo isaanii wajjin ni bada.

31 Akkasumas, warra duudaa hin dhageenyeef wayyoo; sababni isaa isaan baduuf jiru.

32 Warra arguu hin barbaanne warra jaamotaaf wayyoo; sababni isaa isaanis immoo baduuf jiru.

33 Warra garaan isaanii dhaqna hin qabamneeef wayyoo, sababni isaa beekumsi isaanii inni jal’aan guyyaa isa dhumaatti isaan ni rukuta.

34 Isa sobuuf wayyoo, sababni isaa inni gara si’oolitti gadi ni darbatama.

35 Itti yaadee isa nama ajjeesuuf wayyoo, sababni isaa innis ni du’a.

36 Warra ejja raawwataniif wayyoo, sababni isaa isaan gara si’oolitti kan gadi darbataman ni ta’u.

37 Eeyyee, warra waaqota tolfamoo waaqeffataniif wayyoo, sababni isaa inni daabiloosota hundumaaf daabiloosiin ta’e isaanitti gammadeera.

38 Akkasumas, walumaa galatti, warra cubbuu isaanii keessatti du’an hundumaaf wayyoo; sababni isaa isaan gara Waaqayyootti ni deebi’u, akkasumas fuula isaa arguuf jiru, akkasumas cubbuu isaanii keessattis in hafu.

39 Yaa, jaal’atamoo obboloota koo, Waaqayyo isa Qulqulluu ta’een mormuun irra daddarbuun hammam sodaachisaa akka ta’e, akkasumas immoo qormaata haxxummaa isa ta’e Sanaa harkifamuun sodaachisaa akka ta’e yaadadhaa. Yaada ofii fedha fooniitti hidhuun du’a akka fidu, akkasumas yaada ofii fedha hafuuraatti hidhuun jireenya bara baraa akka fidu yaadadhaa.

40 Yaa, jaal’atamoo obboloota koo, gurra keessan gara dubbiiwwan kootiitti qabaa. Guddina Qulqulluu kan Israa’eliin yaadadhaa. Akka waanta ani waantota ulfaatoo ta’an dubbadhee isin irratti ka’eetti hin dubbatinaa; sababni isaa isin yoo kana gootan, isin dhugaa irratti kaatanii ni balaaleffatu; sababni isaa ani dubbiiwwan Uumaa keessaniin isinitti dubbadhe. Dubbiiwwan dhugaan waan qulqullaa’aa hin taane hundumaa irratti akka ulfaatu nan beeka; isaan warri qajeelonni garuu, dhugaa waan jaal’ataniif hin raafaman akkasumas isaan hin sodaatan.

41 Yaa, jaal’atamoo obboloota koo kana booda, gara Goofticha, isa Qulqulluu Tokkichaatti kottaa. Daandiin isaa qajeelaa akka ta’e yaadadhaa. Kunoo, karichi namaaf dhiphaadha, garuu karaa qajeelaan kallattiidhaan isa dura in jira, akkasumas eegduun balbalicha sanaa Qulqulluu kan Israa’eliidha; akkasumas inni achitti garbicha tokko illee qacaree hin hojjechiisu; akkasumas balbalicha sanaan yoo ta’ee malee karaan biraan ittin oolan hin jiru; inni gowwoomfamuu hin danda’u, sababni isaa maqaan isaa Waaqayyo Gooftaadha.

42 Akkasumas, isa rurrukutuuf inni isaaf ni bana; akkasumas warri ogeeyyiin, akkasumas warri baratan, akkasumas warri sooressonni, sababa barumsa isaaniif, akkasumas ogummaa isaanii fi sooroma isaaniitiif warri of-tuulan—eeyyee, isaan kanadha warri inni tuffatu; akkasumas isaan waantota kana yoo gatuudhaa baatan, akkasumas fuula Waaqayyoo duratti gowwoota yoo ofii isaanii godhanii yaadan malee, akkasumas yoo gadi fageenyaan gadi of deebisuu keessatti gad bu’an malee, inni isaaniif hin banu.

43 Garuu waantonni ogummaa fi of eeggannoon, eeyyee, gammachuun warra qulqullootaaf qophaa’ebara baraan isaan jalaani dhokfama.

44 Yaa, jaal’atamoo obboloota koo, dubbiiwwan koo yaadadhaa. Kunoo, ani uffata koo of irraa baasee, akkasumas fuula keessan duratti nan hurgufa; ani Waaqayyo fayyisaan koo ija isaa isa waan hundumaa arguun akka inni na ilaaluuf nan kadhadha; kanaafuu, guyyaa isaa dhumaatti, namoota hundumaatti akka hojii isaaniitti yeroo faradamutti, Waaqayyoo inni kan Israa’el yakka keessan lubbuu koo irraa akka ani buuse, akkasumas ani fuula isaa dura ulfinaan akkan dhaabadhu, akkasumas ani dhiiga keessan irraas qulqulluu akkan ta’e inni dhugaa akka naaf ba’us isin in beektu.

45 Yaa, jaal’atamoo obboloota koo, cubbuuwwan keessan irraa deebi’aa; fuunchaa isaa isa cimsee isin hidhes of irraa kutaa; gara Waaqayyo kattaa fayyina keessanii isa ta’e sanaas kottaa.

46 Isin yeroo itti warra qajeelotaaf haqummaan kennamutti, guyyaa isa firdii sanatti illee, sodaa isa hamaadhaan akka walitti hin galleef; akkasumas isin balleessaa keessan isa hamaa guutummaatti akka hin yaadanneef; Yaa Waaqayyo Gooftaa isa Hundumaa Dandeessuu, qulqulluudha qulqulluudha firdiin kee—ani garuu balleessaa koo nan beeka; ani seera kee irras daddarbeera, akkasumas irra daddarbaanis kan kooti; akkasumas ani dhiphina isaa isa hamaadhaaf booji’amaa akkan ta’uuf, daabiloos na qabeera, akkasumas akkas jettanii sagalee guddaadhaan dubbachuudhaaf akka hin dirqisiifamneef, guyyaa isa ulfina qabeessa sanaaf lubbuuwwan keessan qopheessaa.

47 Garuu kunoo, obboloota koo, waa’ee waantota dhugaa hamaa kanaa akka isin dammaqxan gochuun koo kun barbaachisaadhaa? Ani utuu sammuun keessan qulqulluu tureera ta’ee silaa lubbuuwwan keessan nan dhiphisan turee? Utuu isin cubbuu keessan irraa qulqulluu taataniittu ta’ee, ani iftoomina dhugichaatti ifatti isinitti nan dubbadhatureeree?

48 Kunoo, isin utuu qulqulloota turtaniittu ta’ee ani waa’ee qulqullummaa isinitti nan dubbadhan ture; garuu isin qulqulloota waan hin taaneef, akkasumas isin akka barsiisaatti waan na ilaaltaniif, ani waa’ee bu’aa cubbuu isin barsiisuun barbaachisaadha.

49 Kunoo, lubbuun koo cubbuu in jibbiti, akkasumas garaan koos qajeelummaatti in gammadi; akkasumas ani maqaa Waaqayyo koo isa qulqulluus nan jajadha.

50 Kottaa, obboloota koo, tokkoon tokkoondheebottan hundinuu, gara bishaanichaa kottaa; akkasumas warri horii hin qabnes, kottaa bitadhaatiinyaadhaa; eeyyee, kottaatii utuu horii itti hin baasin akkasumas gatii utuu itti hin baasinii fi maallaqa malee daadhii wayinii fiaannan bitadhaa.

51 Kanaafuu, waan gatii hin qabneef horii hin baasinaa, waan isin hin quubsinettis hin dadhabbinaa. Itti dhimmuudhaanis na dhaggeeffadhaa, akkasumas dubbiiwwan ani dubbadhee tures yaadadhaa; akkasumas gara Qulqulluu kan Israa’eliin kottaa, akkasumas isa baduu yookiim mootortoruu hin dandeenye irraas nyaadhaa, akkasumas lubbuun keessan coomatti haa gammaddu.

52 Kunoo, jaal’atamoo obboloota koo, dubbiiwwan Waaqayyoo keessanii yaadadhaa; guyyaa hundumaa isa kadhadhaa, akkasumas halkan maqaa isaa isa qulqulluu galateeffadhaa. Garaan keessanis haa gammadu.

53 Akkasumas kunoo kakuuwwan Gooftichaa akkam guddaadha, akkasumas ilmaan namaatiif gadi of deebisuun isaas akkam guddaadhaa; akkasumas sababa guddummaa isaa, akkasumas ayyaana isaa fi araara isaatiif, nuyiif sanyiiwwan keenya hundumaa akka fooniitti, raawwatee akka hin balleessine, garuu inni akka isaan eegu abdii nuuf kenneera; akkasumas isaan dhaloota dhufuuf warra mana Israa’eliif damee qajeelaa ni ta’u.

54 Akkasumas amma, obboloota koo, ani caalchisee isinitti nan dubbadha; garuu ani guyyaa isa itti aanutti dubbiiwwan koo isa hafe isinitti nan labsa. Ameen.