1 Nefii

Caaffata qulqullaa’aa

Macaafa Mormoon

Seensaa fi Dhuga Baatota
1 Nefii
2 Nefii
Yaaqoob
Enoos
Jaarom
Oomnii
Dubbiiwwan Mormoon
Mozaayyaa
Almaa

1 Nefii

Boqonnaa 1
Nefiin galmee saba isaa galmeessuu in jalqabe—Lehiin mul’ataan utubaa ibiddaa in arge, akkasumas macaafa raajii dubbatamee irraas in dubbise—Inni Waaqayyoon in jajate, dhufaatii Masihichaas dursee in hime, akkasumas badiinsa Yerusaalemiin in raaje—Inni warra Yihuudotaan in ari’atame. Naannoo bara 600 Dh.K.D.
Boqonnaa 2
Lehiin maatii isaa Galaana Diimaa biraan gara lafa onaa in geesse—Isaan qabeenya isaanii dhiisanii in adeeman—Lehiin Gooftaadhaaf aarsaa in dhiyeesse, akkasumas ilmaan isaa abboommota akka eeganiif in barsiise—Laamaanii fi Limu’eel abbaa isaanii irratti ka’anii in gunguman—Nefiin abboommamaadha, akkasumas amantiidhaanis in kadhata; Gooftaanis isatti in dubbate, akkasumas inni obboloota isaa irratti bulchaa akka ta’uuf in filatame. Naannoo bara 600 Dh.K.D.
Boqonnaa 3
Ilmaan Lehii gabatee sibiila diimaa argachuuf gara Yerusaalemitti in deebi’an—Laabaan gabateewwan sibiila diimaa sana kennuu in dide—Nefiin obboloota isaa gorse akkasumas in jajjabeesse—Laabaan qabeenya isaanii hate, akkasumas isaan ajjeesuu in yaale—Laamaanii fi Limu’eel Nefii fi Saamiin in rukutan, akkasumas ergamaadhaan in ifataman. Naannoo bara 600–592 Dh.K.D.
Boqonnaa 4
Nefiin ajaja Gooftaatiin Laabaaniin in ajjeese, akkasumas gabatee sibiila diimaa tooftaadhaan in argate—Zooraa lafa onaa keessatti maatii Lehiitti makamuu filate. Naannoo bara 600–592 Dh.K.D.
Boqonnaa 5
Saariyaan Lehii irratti kaatee in gungumte—Lamaan isaanii deebi’uu ilmaan isaaniitti gammadan—isaan arsaas in dhiyeessan—Gabateewwan sibiila diimaa barreeffamoota Musee fi raajotaa of keessa qabu—Gabateewwan kun Lehiin sanyii Yooseef akka ta’e adda baasanii mul’isu—Lehiin waa’ee sanyii isaa fi eegumsa gabateewwanii raajii dubbate. Naannoo bara 600–592 Dh.K.D.
Boqonnaa 6
Nefiin waa’ee waantota Waaqayyoo in barreesse—Kaayyoon Nefii namootni gara Waaqa isa kan Abrahaamiin akka dhufanii fi akka fayyaniif amansiisuudha. Naannoo bara 600–592 Dh.K.D.
Boqonnaa 7
Ilmaan Lehii gara Yerusaalemitti deeb’anii akkasumas Ishmaa’eelii fi maatiin isaa imala isaanii irratti akka isaan isaanii wajjin adeemaniif ni affeeran—Laamaanii fi warri kaan fincilani—Nefiin obbolootni isaa Gooftaa irratti amantii akka qabaataniif in jajjabeesse—Isaan funyoodhaan isa hidhuun akkasumas isa balleessuuf karoorsanii—Inni humna amantiitiin bilisa in ba’e—Obboloonni isaa dhiifama in gaafatani—Lehii fi warri isaa wajjiin turan aarsaa fi qalma gubamu in dhiyeessan. Naannoo bara 600–592. Dh.K.D.
Boqonnaa 8
Lehiin muka jireenyaa mul’ataan in arge—Innis ija mukichaa irraa erga nyaatee booda maatiin isaas akkasuma akka godhan in barbaade—Inni ulee sibiilaa, karaa dhiphaa fi qajeelaa, akkasumas, hurrii dukkanaa’aa nama dhoksu in arge—Saariyaan, Nefii fi Saam ija mukichaa irraa in nyaatani, Laamaanii fi Limu’eel garuu irraa nyaachuu in didani. Naannoo bara 600–592 Dh.K.D.
Boqonnaa 9
Nefiin galmeewwan gosa lamatti qoodaman in hojjete—Tokkoon tokkoon isaanii gabateewwan Nefii jedhamuun ni waamamu—Gabateewwan gurguddoon seenaa addunyaa of keessaa qabu; kanneen xixiqqoo ta’an immoo adda durummaan waantota qulqullaa’oo ta’an ilaallatu. Naannoo bara 600–592 Dh.K.D.
Boqonnaa 10
Lehiin Yihuudoonni warra Baabilooniin akka booji’aman in raaje—Inni Yihuudoota gidduutti Masihiin, Fayyisaan, Fureen akka dhufu in dubbate—Lehiin dabalataan waa’ee dhufaatii isa Hoolicha Waaqayyoo cuuphuu qabuus in dubbate—Lehiin waa’ee du’uu fi du’aa ka’uu Masihichaa in dubbate—Inni faffaca’uu fi walitti qabamuu Israa’eliin muka ejersaa wajjin wal-bira in qabe—Nefiin waa’ee Ilma Waaqayyoo, waa’ee kennaa Hafuura Qulqulluu, akkasumas waa’ee barbaachisummaa qajeelummaa in dubbate. Naannoo bara 600–592 Dh.K.D.
Boqonnaa 11
Nefiin Hafuura Gooftichaa arge akkasumas mukni jireenyaas mul’ataan itti in agarsiifame—Inni haadha Ilma Waaqayyoo in arge akkasumas waa’ee gad of deebisuu Waaqayyoo in barate—Inni cuuphaa, tajaajilaa fi fannifamuu Hoolicha Waaqayyoo in arge—akkasumas immoo inni waamamuu akkasumas tajaajila ergamoota Hoolichaa warra kudha-lamaanii in arge. Naannoo bara 600–592 Dh.K.D.
Boqonnaa 12
Nefiin biyya isa abdachiifame; qajeelummaa, jal’inaa fi kufaatii jiraattota ishee; Hoolichi Waaqayyoo isaan gidduu dhufuu isaa; Duuka Buutonni Kudha Lamaanii fi Ergamoonni Kudha Lamaan Israa’el irratti akkamitti akka faradan; akkasumas warra amantii dhabinaan maman haala ciigaasiisaa fi xuraa’aa akkamii keessatti akka argaman mul’ataan in arge. Naannoo bara 600–592 Dh.K.D.
Boqonnaa 13
Nefiin mul’ataan warra Ormootaa gidduutti hundeeffamuu waldaa daabiloosiin, abuuramuu Ameerikaa akkasumas koloneeffamuu ishee, Macaafa Qulqulluu keessaa kutaawwan baay’ee gati-jabeessi akkasumas ifaa ta’e baduu isaa, kanaafis sababa kan ta’e haala gantummaa warra Ormootaati, deebi’uu wangeelaa, dhufaatii caaffata qulqullaa’oo bara boodaa, akkasumas ijaarsa Xiyooniin mul’ataan in arge. Naannoo bara 600–592 Dh.K.D.
Boqonnaa 14
Ergamaan waa’ee eebbotaa fi abaarsota warra Ormootaatti dhufanii Nefiitti in hime—Waldoota lama qofatu jira: Waldaa Hoolicha Waaqayyoo akkasumas waldaa daabiloosiitu jira—Biyyoota hundumaa keessatti Qulqulloonni Waaqayyoo waldaa ishee guddittii fi xurooftuu sanaan ari’atamaniiru—Ergamaan Yohaannis dhuma biyya lafaa ilaalchisee in barreessa. Naannoo bara 600–592 Dh.K.D.
Boqonnaa 15
Sanyiiwwan Lehii guyyoota gara boodaatti warra Ormootaa irraa wangeela in fudhatu—Walitti qabamuun Israa’el akka muka ejersaa isa yeroo dameen isaa uumamaa deebi’ee itti fayyifamuu in fakkeeffama—Nefiin mul’ata waa’ee muka jireenyaa hiike akkasumas haqummaan Waaqayyoo yeroo warra jal’oota warra qajeeloota irraa addaan baasu in dubbate. Naannoo bara 600–592 Dh.K.D.
Boqonnaa 16
Warri jal’oonni dhugaan akka waan ulfaataa ta’etti fudhatu—Ilmaan Lehii ijoollee durbaa Ishmaa’eeliin in fuudhani—Liyaahonaan lafa onaa keessatti karaa isaanii irratti in geggeesse—Ergaawwan Gooftaa biraa yeroodhaa gara yerootti dhufan Liyaahonaa irratti barreeffamaniiru—Ismaa’el in du’e; maatiin isaas sababa gaddaatiif in gungumani. Naannoo bara 600–592 Dh.K.D.
Boqonnaa 17
Nefiin doonii akka ijaaruuf in abboomame—Obboloonni isaas isaan in morman—Inni seenaa walitti dhufeenya Waaqayyo warra Israa’elii wajjin qabu irra deebi’ee isaanitti himuudhaan isaan in gorse—Nefiin humna waaqayyootiin in guutame—Obboloonni isaas akka isa hin tuqneef in dhorkman, yoo ta’uu baate isaan akka jajjaba gogaatti coolagu. Naannoo bara 592–591 Dh.K.D.
Boqoonna 18
Doonichi in xumurame—Dhalootni Yaaqoobii fi Yooseef in caqafame—Gareen sun gara biyya ishee abdachiifamteetti dooniidhaan imaluu in eegale—Ilmaan Ishma’eelii fi haadhi manootaa isaanii fincila fi ayyaana kabajuutti in makaman—Nefiin in hidhame, akkasumas doonichi obonboleettiidhaan gara duubbaatti in oofame—Nefiin in hiikame, akkasumas kadhannaa isaatiin obonboleettiin sun in dhaabbate—Sabichis gara biyya ishee abdachiifamtee in ga’an. Naannoo bara 591–589 Dh.K.D.
Boqonnaa 19
Nefiin gabateewwan sibiila diimaa irraa in hojjete, akkasumas seenaa saba isaatiis isa irratti in galmeesse—Waaqayyo inni kan warra Israa’el Lehiin Yerusaalemiin gadi dhiisee waggoota dhibba ja’aan booda in dhufa—Nefiin waa’ee dhiphinaa fi fannifamuu isaa in dubbate—Warri Yihuudotaa isaan hamma guyyoota gara boodaatti yeroo gara Gooftaatti deebi’anitti, in gatamus in faffaca’us. Naannoo bara 588–570 Dh.K.D.
Boqonnaa 20
Gooftaan kaayyoo isaa warra Israa’elitti in mul’ise—Warri Israa’el rakkina isa akka abiddaa keessatti filatamaniiru akkasumas Baabilooniin jalaa in ba’an—Isaayaas 48 wajjin waliin madaali. Naannoo bara 588–570 Dh.K.D.
Boqonnaa 21
Masihichi warra Ormootaaf ifa in ta’aaf akkasumas hidhamtoota in hiika—Israa’eloonni guyyoota boodaatti humnaan walitti in qabamu—Mootonnis abbaa guddisee isaanii isaaniif in ta’u—Isaayaas 49 wajjin waliin madaali. Naannoo bara 588–570 Dh.K.D.
Boqonnaa 22
Warri Israa’el biyya lafaa hundumaa irra in faffaca’u—Guyyoota boodaatti warri Ormoonni Israa’eloota wangeela in sooru, akkasumas in kunuunsus—Warri Israa’elootaa walitti in qabamu, akkasumas in fayyu, akkasumas warri jal’oonni akka cidiitti in gubatu—Mootummaan daabiloos in barbadaa’a, akkasumas Seexanni in hidhama. Naannoo bara 588–570 Dh.K.D.