“Malunga neNcwadi kaMormoni,” Amabali eNcwadi kaMormoni (2023)
Malunga neNcwadi KaMormoni
UYesu Krestu naBantu baKhe kumaMelika
INcwadi kaMormoni sisibhalo. Isifundisa ngeNkosi uYesu Krestu nokutyelelo lwaKhe kumaMelika kudala. KwiNcwadi kaMormoni, sinokufunda ngevangeli likaYesu. Isifundisa indlela yokuba noxolo ngoku nendlela esinokuphila ngayo noThixo noYesu ngenye imini.
IGama lePhepha leNcwadi kaMormoni; intshayelelo kwiNcwadi kaMormoni; 3 Nifayi 11
INcwadi kaMormoni yabhalwa ngabaprofeti bakaThixo. Babhala kumaphepha entsimbi abizwa ngokuba ngamacwecwe. Aamabali nobungqina babo businceda sibe nokholo kuYesu. Babhala ngamaqela amaninzi abantu ababehlala kumaMelika kudala.
IGama lePhepha leNcwadi kaMormoni; intshayelelo kwiNcwadi kaMormoni
Iqela elinye lalivela eYerusalem lisiya kumaMelika malunga neminyaka engama-600 ngaphambi kokuba uYesu azalwe. Baba zizizwe ezibini ezibizwa ngokuba ngamaLeymenayithi namaNifayithi.
Intshayelelo kwiNcwadi kaMormoni; 1 Nifayi 1:4
Ngaphambili kakhulu, elinye iqela lalivela kwiNqaba yeBhabheli ukuya kumaMelika. Babebizwa ngokuba ngamaYeredayithi.
Intshayelelo kwiNcwadi kaMormoni; Etere 1:33–43
Abaprofeti bakaThixo babafundisa abantu. Xa abantu baphulaphula kwaye bagcina imithetho kaThixo, Yena wabanceda bona. Abaprofeti bafundisa ngoYesu baza bathi Yena wayeza kuzalwa eYerusalem. AmaNifayithi namaLeymanayithi afunda ukuba uYesu uya kubatyelela emva kokufa kwaKhe.
2 Nifayi 1:20; 25:12–14; 26:1, 3, 9; Mozaya 3:5–11; Alma 7:9–13; Hilamani 3
UYesu weza kanye njengoko babetshilo abaprofeti. Emva kokuba uYesu efile waza wavuswa ekufeni, Yena wabatyelela abantu. Yena wavumela ukuba umntu ngamnye aweve amanxeba ezikhonkwane ezandleni nasezinyaweni zaKhe. Babesazi ukuba uYesu wayeNyana kaThixo. Yena wafundisa ivangeli yaKhe, kwaye abantu bayibhala phantsi. Bathetha ngotyelelo lukaYesu ngeminyaka emininzi.
3 Nifayi 11:7–15, 31–41; 16:4; 4 Nifayi 1:1–6, 13–22
UMormoni wayengumprofeti owaphila amakhulu ambalwa eminyaka emva kokuba uYesu etyelele. Ngexesha lobomi bukaMormoni, abantu bayeka ukulandela iNkosi. UMormoni wayenemibhalo yabaprofeti ababephila ngaphambi kwakhe. Wabeka uninzi lwemibhalo yabo kwiseti enye yamacwecwe. La macwecwe aba yiNcwadi kaMormoni.
Intshayelelo kwiNcwadi kaMormoni; Amazwi kaMormoni 1:2–9; Mormoni 1:2–4, 13–17
Phambi kokuba uMormoni afe, wanika unyana wakhe uMoronayi amacwecwe. Ngexesha lobomi bukaMoronayi, abantu babesenza izinto ezimbi kakhulu. Babefuna ukubulala bonke abantu ababekholelwa kuYesu. UMoronayi wayefuna ukunceda abantu kwixesha elizayo, ke ngoko wabhala ngakumbi emacwecweni waza wawangcwaba ukuwagcina ekhuselekile.
Intshayelelo kwiNcwadi kaMormoni; Amazwi kaMormoni 1:1–2; Mormoni 8:1–4, 14–16; Moronayi 1
Emva kweminyaka emininzi, ngowe-1823, uMoronayi weza njengengelosi kuMprofeti uJoseph Smith. UMoronayi waxelela uJoseph ukuba angawafumana phi na amacwecwe. Ngoncedo lukaThixo, uJoseph waguqulela oko kwakubhalwe emacwecweni.
Intshayelelo kwiNcwadi kaMormoni; iMbali—kaJoseph Smith 1
UThixo uthumela uMoya oyiNgcwele ukuba ukuncede wazi xa into ethile iyinyani. Xa ufunda iNcwadi kaMormoni, ungathandaza kwaye ubuze uThixo ukuba yinyani na. Ngendlela efanyo, ungazazela ukuba uYesu unguMsindisi wakho kwaye Yena uyakuthanda.