“UTiyanikumi noMoronayi,” Amabali eNcwadi kaMormoni (2023)
UTiyanikumi noMoronayi
Ukubonisa ukukhalipha okukhulu
Emva kokuba efile u-Amalikhaya, umntakwabo ongu-Amoroni waba ngukumkani wamaLeymenayithi. U-Amaroni waqhubekeka esilwa namaNifayithi. Imfazwe yathatha iminyaka. AmaNifayithi aqalisa ukuphumelela, ngoko yonke imikhosi yamaLeymenayithi yabalekela kwisixeko esinye. UMoronayi, uTiyanikumi, nomnye umphathi-mkhosi wamaNifayithi bamatsha emva kwemikhosi yamaLeymenayithi.
Alma 52:3–4; 54:16–24; 62:12–35
UTiyanikumi wayenomsindo ngokuba u-Amalikhaya no-Amaroni babengunobangela bobukhulu nobude bale mfazwe. Ngenxa yemfazwe, abantu abaninzi babefile kwaye kwakukho ukutya okuncinci kakhulu. UTiyanikumi wayefuna ukuphelisa imfazwe. Waya esixekweni ngobusuku ekhangela u-Amaroni.
UTiyanikumi wakhwela phezu kodonga lwesixeko Waya kwindawo ngendawo kwisixeko wade wayifumana indawo awayelele kuyo u-Amaroni.
UTiyanikumi wagibisela umkhonto ku-Amaroni Wambetha ecaleni kwentliziyo. Kodwa u-Amaroni wavusa izicaka zakhe phambi kokuba afe.
Izicaka zika-Amaroni zamleqa uTiyanikumi zaze zambulala. Ezinye iinkokheli zamaNifayithi zazikhathazeke kakhulu kukufa kukaTiyanikumi. Wayelwe ngobugorha esenzela inkululeko yabantu bakhe.
Nangona wayefile, uTiyanikumi wayewancedile amaNifayithi ukuba aphumelele imfazwe. Wayenze ukuba amaLeymenayithi alahlekelwe yinkokheli yawo. Ngentsasa elandelayo, uMoronayi walwa namaLeymenayithi kwaye waphumelela. AmaLeymenayithi alishiya ilizwe lamaNifayithi, yaze yaphela imfazwe.
Ekugqibeleni kwabakho uxolo. UMoronayi wasebenza nzima ukwenza ilizwe lamaNifayithi likhuseleke kumaLeymenayithi. Emva koko uMoronayi wagoduka ukuze aphile ngoxolo. AbaProfeti bafundisa ivangeli kwaye bakhokela iBandla likaThixo. Abantu babeyithembile iNkosi, kwaye Yena wabasikelela.