Yakobi 5–6

IMithi yoMnquma

Uthando lukaThixo ngabantu baKhe.

umfanekiso wemithi yomnquma uboniswa njengoko uYakobi ethetha

UYakobi wayengumprofeti kaThixo. Wayefuna ukufundisa amaNifayithi ngendlela uThixo abathando ngayo abantu baKhe. UYakobi wabaxelela ibali ngesidiliya semithi yomquma. INkosi yesidiliya nesicaka sayo basebenza kunye ukuze banyamekele isidiliya eso.

Yakobi 5:1–4, 7; 6:4–5

iNkosi yesidiliya yomba ngomhlakulo ecaleni komthi womnquma

INkosi yayinomthi womnquma okhethekileyo ovelisa iziqhamo ezihle. UYakobi wathi lo mthi wawufana nabantu bakaThixo, okanye indlu kaSirayeli. Iziqhamo sazifana nezenzo zabantu. INkosi yawunyamekela kakhulu lo mthi. Yawukhulisa ngokondla iingcambu zawo nokuthena amasebe awo. Yawunika oko wawukufuna ukuze uphile.

Yakobi 5:1–3, 5; 6:1, 7

umthi womnquma uqalisa ukufa

Emva kwethuba, umthi wakhe okhethekileyo waqalisa ukufa. Ayembalwa amasebe aphilileyo. Yayenza buhlungu iNkosi loo nto. Yayifuna ukuba uhlale uvelisa isiqhamo esihle.

Yakobi 5:3, 6–8

iNkosi yesidiliya igawula kwaye isusa amasebe aphilileyo

Ukuze isindise amasebe aphilileyo, iNkosi yawasusa yaze yawanamathelisa kweminye imithi. Emva koko Yona yabeka amasebe aphilileyo avela kweminye imithi.

Yakobi 5:7–14

iNkosi yesidiliya nezicaka zinyamekela imithi yomnquma

Kwadlula ixesha elide. INkosi nesicaka beza esidiliyeni rhoqo. Bawunyamekela umthi okhethekileyo weNkosi. Kananjalo babenyamekela namasebe athile awayesasazeke esidiliyeni. Uninzi lweziqhamo ezakhulayo zazilungile. Isiqhamo esilungileyo savuyisa iNkosi nesicaka sayo.

Yakobi 5:15–29, 31

iNkosi yesidiliya ithetha nesicaka ngomthi womnquma

Emva kwexesha elithile, umthi ngamnye wavelisa isiqhamo esingakumbi. Kodwa ngoku sonke isiqhamo sasisibi. Yaba buhlungu kakhulu iNkosi. Yayingafuni ukuphulukana nesidiliya sayo okanye isiqhamo sayo! Yayisebenze nzima ukunceda imithi yaYo. Yayizibuza ukuba yintoni enye Yona yayinokuyenza. Yathetha nesicaka kwaye yakhetha ukulinga.

Yakobi 5:29–51

Abasebenzi basika kwaye basusa isebe eliphilileyo

Ukusindisa isidiliya saKhe, iNkosi yathi makuqokelelwe amasebe Yona eyayiwasusile kumthi okhethekileyo. Yathi mabazinamathisele kwakhona kuloo mthi ukhethekileyo.

Yakobi 5:51–60

amasebe aphilileyo anamathiselwa kumthi womnquma owahlukileyo

Eli yayilixesha lokugqibela iNkosi isebenza kwisidiliya sayo. Yabiza ezinye izicaka ukuza kuncedisa. Wonke umntu wasebenza kunye ukuqokelela nokunamathisela amasebe.

Yakobi 5:61–72

amasebe omthi womnquma aphilileyo aneziqhamo

Babeyinyamekela yonke imithi. Bawasusa amasebe amabi bawagcina alungileyo. Emva kwethuba, umthi okhethekileyo weNkosi waphinda wavelisa iziqhamo ezihle. Eminye imithi nayo yavelisa iziqhamo ezihle njengeziqhamo zomthi okhethekileyo. INkosi yayonwabile. Imithi yaYo yasindiswa! Yonke yakhula iziqhamo awayefuna zibenazo.

Yakobi 5:73–75

iNkosi yesidiliya nezicaka zijonge umthi womnquma omkhulu kwaye ophilileyo

INkosi yazibulela izicaka. Yabaxelela ukuba babesikelelwe ngokusebenza nzima kwaye nokugcina imiyalelo yaYo. Wabelana nabo isiqhamo, yaye sabavuyisa gqithi. Ixesha elide, iNkosi yasonwabela isiqhamo.

Yakobi 5:75–77

umfanekiso kaYesu Krestu uboniswa njengoko uYakobi ethetha

UYakobi waligqiba ibali lemithi yomnquma Wafundisa abantu ukuba uThixo ubakhathalele kanye njengokuba iNkosi yesidiliya yayinyamekela imithi yaYo. UYakobi wacela wonke umntu ukuba aguquke aze asondele ngakumbi kuThixo. Wabafundisa ukuthanda nokumkhonza uThixo kuba uThixo usoloko ezabalazela ukubanceda.

Yakobi 6:1–5, 7, 11