Alma 53; 56–57

UMkhosi oSelula

Oonyana ababemthembile uThixo

amajoni aselula aphethe amakhaka, imikhonto, namakrele

AmaNifayithi ayesemfazweni namaLeymenayithi kwaye ayedinga uncedo. Ama-Antayi-Nifayi-Lihayi ayefuna ukunceda. Kodwa ayenze isithembiso kwiNkosi sokuba ayengazukulwa. Amawaka amabini oonyana awo ayengasenzanga eso sithembiso. Endaweni yoko, oonyana baye bathembisa ukuba babezakulwa ukuze bakhusele iintsapho zabo. Aba nyana babebizwa ngokuba ngamagatyana amajoni.

Alma 53:8, 13–18, 22; 56:1–8

UHilamani ukhokelela amajoni angamagatyana kwisixeko

Amajoni angamagatyana akhetha umprofeti uHilamani ukuba awakhokele. Babeliqela elincinci xa bethelekiswa nomkhosi omkhulu wamaLeymenayithi. Kodwa uHilamani wayesazi ukuba amajoni angamagatyana ayenyanisekile, ayenobugorha, kwaye ethembekile. Ekhokelwe nguHilamani, aye ayokunceda amaNifayithi.

Alma 53:19–22; 56:9–10, 17, 19

amajoni aselula akha inqaba namajoni wamaNifayithi, kwaye abazali bazisa ukutya

Amajoni amaNifayithi ayediniwe. Kodwa athi akuza amajoni angamagatyana, amaNifayithi avuya. Lo mkhosi uselula wawanika ithemba namandla. Kunye, baye balungiselela ukulwa namaLeymenayithi. Abazali bamajoni angamagatyana nabo banceda ngokuzisa ukutya nezinto ezazidingeka.

Alma 56:16–17, 19–20, 22, 27

Iinkokheli zamaNifayithi namajoni aselula ahlangana ententeni.

AmaLeymenayithi ayethimbe izixeko ezininzi kwaye ayeshiye imikhosi yawo kuzo. Iinkokheli zamaNifayithi zazifuna ukuba amaLeymenayithi emke kwesinye sezixeko. Zenza icebo zaze zacela amajoni angamagatyana ukuba ancede.

Alma 56:18–30

Umkhosi wamaLeymenayithi ubaleka nezixhobo usingise kumajoni aselula

Amajoni angamagatyana ayesenza ngathi asa ukutya kumaNifayithi ayehlala kwisixeko esikufuphi. Akubona eli qela lincinci amaLeymenayithi, ashiya isixeko aze aleqa amajoni angamagatyana. AmaLeymenayithi ayecinga ukuba kwakuzakuba lula ukubathimba.

Alma 56:30–36

amajoni aselula amatsha ngomgca omde, umkhosi wamaLeymenayithi uyawalandela, kwaye umkhosi wamaNifayithi alandele umkhosi wamaLeymenayithi

amajoni angamagatyana aye awabaleka amaLeymenayithi. Waze umkhosi wamaNifayithi waqalisa ukuleqa amaLeymenayithi. AmaLeymenayithi ayefuna ukufumana amajoni angamagatyana phambi kokuba amaNifayithi afike kuwo. AmaNifayithi abona ukuba amajoni angamagatyana ayesengxakini kwaye aye amatsha ngokukhawuleza ukuze awancede.

Alma 56:36–41

ijoni eliselula lijonge eminye imikhosi kwaye linexhala

Emva kwexesha elithile, amajoni angamagatyana ayengawaboni amaLeymenayithi. Aye aqalisa ukuzibuza ukuba ingaba amaNifayithi afikelele na kumaLeymenayithi kwaye alwa.

Alma 56:42–43

UHilamani uphakamisa ikrele lakhe

UHilamani wayenexhala. Waye wacinga ukuba amaLeymenayithi ayesenokuba azama ukubathiyela. Waye wabuza amajoni akhe aselula ukuba angayokulwa namaLeymenayithi na.

Alma 56:43–44

amajoni aselula aphakamisa amakrele awo

Amajoni angamagatyana ayekhumbula oko babefundiswe ngoonina bawo. Oonina bawo babewafundise ukuba athembe uThixo kwaye angathandabuzi, ngokuba wayeza kubagcina bekhuselekile. Aba nyana babekholelwa kuThixo kwaye babefuna ukugcina isithembiso sabo sokukhusela iintsapho zabo. Baye baxelela uHilamani ukuba babekulungele ukuhamba bayokulwa.

Alma 56:46–48

UHilamani umatsha namajoni aselula

UHilamani wayemangalisiwe kukukhalipha kwabo. Yena wabakhokelela emva ukuze bayokulwa namaLeymenayithi.

Alma 56:45, 49

uHilamani namajoni aselula bame bexhobile ecaleni kwenduli

Amajoni angamagatyana abona amaLeymenayithi esilwa namaNifayithi. AmaNifayithi ayediniwe. Ayeseza koyiswa ngelixa afika ngalo amajoni aselula.

Alma 56:49–52

Amajoni amaLeymenayithi akhangeleka esoyika

Amajoni angamagatyana aye alwa ngamandla kaThixo. AmaLeymenayithi ayewoyika kwaye ayeka ukulwa. Amajoni angamagatyana ayencedile ekuphunyelelweni kwedabi!

Alma 56:52–54, 56

UHilamani wolulela isandla sakhe kumajoni aselula.

Kwidabi, amaNifayithi amaninzi kunye namaLeymenayithi aye afa. UHilamani wayenexhala ukuba amanye wamajoni wakhe kwakuse nokwenzeka ukuba ayefile nawo. Kodwa emva kwedabi, uHilamani wabala umntu wonke. Wayonwabe kakhulu akubona ukuba wayengekho namnye kula majoni angamagatyana owayebulewe. UThixo waye bakhusele.

Alma 56:55–56

amajoni aselula onzakele kwaye onke ame kunye

Abangakumbi oonyana bazimanya namajoni angamagatyana. Baqhubekeka benceda amaNifayithi ekulweni. Kwamanye la amadabi, wonke amajoni angamagatyana onzakala, kodwa akukho nalinye elafayo. Wona akhumbula into omama babo ababebafundise yona. Babethembe uThixo, kwaye Yena waye wabakhusela.

Alma 57:6, 19–27; 58:39–40