INcwadi kaMoronayi

1 Ngoku mna, ^aMoronayi, emva kokuba ndiphezile ukushwankathela ingxelo yabantu bakaYerede, ndandicinge ukuba andingebhali okungakumbi, kodwa okwangoku andikatshabalali; kwaye andizazisi kumaLeymenayithi hleze anditshabalalise.

2 Kuba qaphelani, ^aiimfazwe zawo zoyikeka ngokugqithisileyo phakathi kwawo; kwaye ngenxa yentiyo yawo ^babulala wonke umNifayithi ongasayi kumkhanyela uKrestu.

3 Kwaye mna, Moronayi, andisayi ^akumkhanyela uKrestu; ngako oko, ndihamba-hamba naphina apho ndinako ukuze kusinde ubomi bam.

4 Ngako oko, ndibhala ezinye ezimbalwa izinto, ngokuphikisana noko bendikucinga; kuba bendicinge ukuba ndingaphindi ndibhale; kodwa ndibhala ezinye ezimbalwa izinto, ukuze mhlawumbi zingaba nexabiso kubazalwana bam, amaLeymenayithi, ngamhla uthile ozayo, ngokwentando yeNkosi.