1 Kwaye ngoku ndithetha ngokunxulumene ^anobhaptizo. Qaphelani, abadala, ababingeleli, neetitshala babhaptizwa; kwaye babengabhaptizwa ngaphandle kokuba bazise ngaphambili iziqhamo ezifanelekileyo zokokuba ^bbabekufanele.

2 Bengamkeli namnye elubhaptizweni ngaphandle kokuba beze ngaphambili ^abenentliziyo eyaphukileyo nomoya otyumkileyo, baze bangqine kulo ibandla okokuba baguquke ngokwenene kuzo zonke izono zabo.

3 Kwaye kwakungamkelwa namnye elubhaptizweni ngaphandle kokuba ^abathabathela kubo igama likaKrestu, benokuzimisela ukuba bamkhonze kuye esiphelweni.

4 Kwaye emva kokuba bamkelwe elubhaptizweni, kwaye bephenjelelwe baze ^abehlanjululwe ngamandla oMoya oyiNgcwele, babebalelwa phakathi kwabantu bebandla likaKrestu; kwaye ^bamagama abo ayethatyathwa, ukuze babenokukhunjulwa baze bondliwe ngelizwi elilungileyo likaThixo, ukuba bagcinwe endleleni elungileyo, ukubagcina ngamaxesha onke ^cbekuphaphele ukuthandaza, ^dbexhomekeke kuphela kwizenzo ezilungileyo zikaKrestu, owaye ^eeyimbangi nomgqibelelisi wokholo lwabo.

5 Kwaye ^aibandla laye lahlangana kunye ^brhoqo, ^cukuzila ukutya nokuthandaza, nokuthetha omnye kunye nomnye malunga nentlalo-ntle yemiphefumlo yabo.

6 Kwaye baye bahlangana kunye rhoqo ukuze bathabathe badle kuso isonka newayini, ukukhumbula iNkosi uYesu.

7 Kwaye babengqongqo ukuqaphela okokuba ^amakungabikho bugwenxa phakathi kwabo; kwaye nabani na owayefunyaniswe esenza ubugwenxa, kwaye ^bamangqina amathathu ebandla athi abagwebe phambi ^ckwabadala, kwaye ukuba abaguquki, ^dbangavumi, amagama abo ^eayecinywa, kwaye babengabalelwa phakathi kwabantu bakaKrestu.

8 Kodwa ngokuguquka kwabo ^arhoqo baze bafune ukuxolelwa, ngenjongo yokwenene, ^bbabexolelwa.

9 Kwaye iintlanganiso zabo ^azaziqhutywa libandla ngokohlobo lokusebenza koMoya, nangamandla oMoya oyiNgcwele; kuba njengokuba amandla ^boMoya oyiNgcwele wawubakhokela apho mabashumayele khona, okanye ukuyala, okanye ukuthandaza, okanye ukubongoza, okanye ukucula, kwangokunjalo kwakusenziwa.