Kapitulo 62
Agtungpal ni Pablo iti Espiritu Santo
Imbaga ti Espiritu Santo ken ni Apostol Pablo a mapan iti Jerusalem. Kinuna ti Espiritu Santo a maipupokto iti pagbaludan ni Pablo. Saan a nagbuteng ni Pablo. Inayatna ti Mangisalakan ket inaramidna no ania ti imbaga kenkuana ti Espiritu Santo nga aramidenna.
Nagpakada ni Pablo kadagiti gagayyemna. Kinunana a saannanton a makita manen ida. Imbagana kadakuada nga agbiagda iti ebanghelio ken agtungpalda kadagiti bilin ti Dios. Binallaagan ida ni Pablo a saanda a dumngeg kadagiti tao a manggandat a mangisuro kadakuada kadagiti banag a saan a pudno.
Imbaga ni Pablo kadakuada nga aggiinnayat ken aggiinnaywanda iti tunggal maysa. Nakipagparintumeng ken nakipagkararag isuna kadakuada. Nagsangit ti tunggal maysa. Kimmuyogda kenkuana a napan iti bilog ket binuyada ni Pablo a pumanaw nga agturong iti Jerusalem.