Scripture Stories
Kapitulo 13: Ni Jesus ken ti Balay ti Nailangitan nga Amana


Kapitulo 13

Ni Jesus ken ti Balay ti Nailangitan nga Amana

Ladawan
Ni Jesus iti templo

Napan ni Jesus iti templo iti Jerusalem. Adu ti tao sadiay tapno agaramid iti sakripisio babaen ti panangpatay iti maysa nga ayup ken panangpuor daytoy iti maysa nga altar. Ti sakripiso ket nangtulong kadagiti tao a mangpanunot iti Mangisalakan, a mangisakripisio iti Bagina babaen ti panagsagaba ken ipapatayna para kadakuada.

Ladawan
tattao nga aglaklako kadagiti ayup iti templo

Awanan ti sumagmamano a tao iti ayup nga isakripisio. Naglako dagiti tao iti ayup kadakuada iti templo. Kayat dagiti agtagtagilako ti maaddaan iti adu a kuarta. Saanda a pinanunot maipapan iti Dios.

Ladawan
Ni Jesus ken ti agtagtagilako iti templo

Nakita ni Jesus dagiti tao nga aglaklako kadagiti ayup iti templo. Kinunana a balay ti Nailangitan nga Ama ti templo, maysa a nasantuan a lugar. Kinunana a nasken a saan a gumatang wenno aglako iti bambanag dagiti tao sadiay.

Ladawan
Ni Jesus a mangpappapanaw kadagiti agtagtagilako manipud iti templo

Nagaramid ni Jesus iti pagbaut, tinuangna dagiti lamisaan, impuruakna dagiti pirak iti datar, ket pinapanawna dagiti agtagtagilako iti templo.Saanna nga ipalubos nga agaramidda kadagiti nadangkes a banag iti balay ti Nailangitan nga Ama.