Kapitulo 24

Nagungar manipud iti Patay ti Anak a Babai ni Jairo

lalaki nga agparparintumeng

Maysa nga aldaw ni Jairo, maysa nga agturay ti maysa a sinagoga, nagparintumeng iti sakaanan ti Mangisalakan.

Marcos 5:21–22

lalaki a dumawdawat iti tulong ken ni Jesus

Kinuna ni Jairo a masakit unay ti anakna a babai nga agtawen iti 12. Impakaasina ken ni Jesus a mapan ken mangbendision kenkuana. Namati isuna a mapaimbag ni Jesus ti anakna.

Marcos 5:23, 42

Ni Jesus a makisarsarita iti babai

Nagrugi a sinurot ni Jesus ni Jairo nga agawid, ngem nagsardeng Isuna tapno mangagas iti maysa a babai. Bayat ti pannakisaritana kenkuana, dimteng ti maysa a tao a nangibaga ken ni Jairo a naladaw unayen—natayen ti anakna a babai.

Marcos 5:24–35

Ni Jesus a makisarsarita iti lalaki

Nangngeg ni Jesus no ania ti kinunana. Imbagana ken ni Jairo a saan nga agbuteng ngem ketdi mamati Kenkuana.

Marcos 5:36

dagiti tattao nga agsangsangit

Kalpasanna kimmuyog ni Jesus ken ni Jairo iti balay ni Jairo. Napno iti tattao ti balay nga agsangsangit gapu iti ipapatay ti bassit nga ubing a babai.

Marcos 5:37–38

dagiti tattao a mangkatkatawa ken ni Jesus

Imbaga ni Jesus kadakuada a saan a natay ti ubing a babai ngem matmaturog. Nagkatawa dagiti tao Kenkuana. Siguradoda a natayen ti ubing.

Marcos 5:39–40

dagiti tattao iti abay ti katre ti ubing a babai

Pinapanaw ti Mangisalakan ti amin iti balay malaksid kadagiti disipulona, ni Jairo, ken ti asawa ni Jairo. Napanda iti siled a yan ti ubing a babai a nakaidda.

Marcos 5:40

Ni Jesus a mangag-agas iti ubing a babai.

Iniggaman ni Jesus ti ubing a babai. Imbagana kenkuana a bumangon. Timmakder isuna ken nagna. Nasdaaw dagiti nagannak kenkuana. Imbaga ni Jesus kadakuada a saanda nga ibaga iti asino man no ania ti napasamak. Kalpasanna imbagana kadagiti nagannak ti ubing a babai a mangted kenkuana iti maysa a makan.

Marcos 5:41–43