Kapitulo 20
Isuro ni Jesus maipapan iti Kararag
Sinuruan ni Jesus dagiti disipulona no kasano ti agkararag. Kinunana nga agkararag laeng dagiti sumagmamano a tao tapno makitanto ida dagiti dadduma nga agkarkararag. Insuro ni Jesus a nasken nga isaotayo dagiti bukodtayo a kararag iti lugar a maymaysatayo, no mabalin.
Kinunana nga isao ti sumagmamano a tao dagiti isu met la a balikas a madagdagullit no agkararagda. Saanda a talaga a panunoten maipapan iti isasaoda. Kinuna ni Jesus a nasken nga agkararagtayo a sipupudno iti no ania ti kasapulantayo.
Insao ti Mangisalakan ti maysa a kararag tapno ipakita kadagiti disipulona no kasano ti agkararag. Inrugina babaen ti panangisaona iti, “Amami … idiay langit.” Dinayawna ti Nailangitan nga Ama ket kalpasanna nagdawat iti tulong Kenkuana. Insaona ti “amen” iti gibus ti kararagna. Iti kamaudiananna, imbaga ni Jesus kadagiti disipulona nga agkararagda iti Ama iti naganna. Inkarina a sungbatanto ti Nailangitan nga Ama dagiti kararagda.