Kapitulo 38

Ti Fariseo ken ti Agsingsingir iti Buis

Maysa nga aldaw kinasao ti Mangisalakan ti sumagmamano a tao a nangipagarup a nalinlintegda ngem dagiti dadduma a tao. Nangisarita ni Jesus iti maysa nga estoria kadakuada.

Lucas 18:9

Napan ti dua a lallaki iti templo tapno agkararag. Maysa kadakuada ti Fariseo. Publikano ti sabali, a maysa nga agsingsingir iti buis. Saan a kayat dagiti tao dagiti agsingsingir iti buis. Impagarupda a saan a mapagtalkan dagiti agsingsingir iti buis.

Lucas 18:10

Nagtakder ti Fariseo iti sango dagiti dadduma tapno agkararag. Nagyaman iti Dios gapu ta nasaysayaat isuna ngem iti dadduma a tao. Kinunana a nagayuno iti mamindua a daras iti tunggal lawas ket binayadanna ti apagkapullona. Nagtakder ti agsingsingir iti buis, intamedna ti ulona, ket nagkararag, “Dios mangngaasika kaniak a managbasol.”

Lucas 18:11–13

Impagarup ti Fariseo a perpekto isuna ket saanna a kasapulan ti tulong ti Dios. Mgem ammo ti agsingsingir iti buis a saan a perpekto isuna ket kasapulanna ti tulong ti Dios. Napakumbaba isuna ket kiniddawna iti Dios a mangpakawan kenkuana.

Lucas 18:14

Kinuna ni Jesus a maipada koma dagiti tao iti agsingsingir iti buis. Saanda koma nga ipagarup a nasaysayaatda ngem iti dadduma a tao. Nasken nga aggbabawida iti basbasolda ket idawat iti Dios a mangpakawan kadakuada.

Lucas 18:14