Kapitulo 21

Bilinen ni Jesus dagiti Angin ken Dalluyon

Adda iti bilog ni Jesus ken dagiti disipulona iti Baybay ti Galilea Nakaturog ni Jesus. Nagrugi a nagangin iti nakapigpigsa, ken punpunuen dagiti dalluyon ti bilog iti danum. Nagbuteng dagiti disipulo amangan ta lumned daytoy. Riniingda ni Jesus ket nagpatulongda Kenkuana.

Lucas 8:22–24

Imbilin ti Mangisalakan nga agsardeng ti angin ken aglinak ti baybay. Nagsardeng ti angin, ket naglinak ti baybay.

Lucas 8:24

Sinaludsod ni Jesus kadagiti disipulona no apay a mabutengda. Kinunana a nasken a maaddaanda iti dakdakkel a pammati. Nasdaawda no ania a kababalin ti tao daytoy ta mabilinna uray ti angin ken ti baybay.

Marcos 4:40; Lucas 8:25