Scripture Stories
Kapitulo 28: Pakanen ni Jesus dagiti 5,000 a Tattao


Kapitulo 28

Pakanen ni Jesus dagiti 5,000 a Tattao

Ladawan
dagiti lallaki a makisarsarita ken ni Jesus

Imbaga ti sumagmamano a gagayyem ni Juan Bautista ken ni Jesus a pinapatay ti ari ni Juan.

Ladawan
Ni Jesus nga agtugtugaw iti maysa a bato

Idi nangngeg ni Jesus daytoy, napan Isuna iti maysa a lugar iti Baybay ti Galilea tapno agmaymaysa. Ammo ti adu a tattao no sadino ti yanna. Nasurok a 5,000 a tattao ti nagsurot Kenkuana idiay a mangnamnama a mangisuronto Isuna kadakuada.

Ladawan
lalaki a makisarsarita ken ni Jesus

Insuro ni Jesus ti adu a banag kadakuada. Oras idi ti pannangan, ngem kaaduan kadagiti tao ti awanan iti makan a taraon. Kayat dagiti disipulo ni Jesus nga ibaon ni Jesus dagiti tao iti kaasitgan a purok tapno gumatang iti taraon.

Ladawan
ubing a lalaki a mangmangyeg iti taraon ken ni Jesus

Imbaga ni Jesus kadagiti disipulo a mangkita no adda nangitugot iti taraon. Nakitada ti ubing a lalaki nga addaan lima a tinapay ken dua a babassit nga ikan.

Ladawan
Ni Jesus a mangbembendision iti taraon

Imbaga ni Jesus nga agtugaw dagiti amin a tattao. Binendisionanna ti tinapay ken ti ikan ket pinispisina ti taraon iti babassit.

Ladawan
dagiti disipulo nga agibumbunong iti taraon

Inted dagiti disipulo ti taraon kadagiti tao. Nagsobra iti ad-adu pay ti taraon para iti tunggal maysa.