Kapitulo 3
Mayanak ni Juan Bautista
Imbaga ni anghel Gabriel ken ni Maria nga agpasngayto ni Elisabet iti maysa a maladaga a lalaki. Agkabagyan da Maria ken Elisabet
Napan sinarungkaran ni Maria ni Eilsabet. Imbaga ti Espiritu Santo ken ni Elizabet a ni Maria ti agbalinto nga ina ni Jesucristo. Nagyaman iti Dios da Maria ken Elizabet iti panangparaburna kadakuada. Nagtalinaed ni Maria ken ni Eilsabet iti agarup tallo a bulan. Kalpasanna nagawid ni Maria iti Nazaret.
Naipasngay ti anak a lalaki ni Eilsabet. Naragsakan dagiti gagayyem ken ti pamiliana. Napanunotda a nasken a maipada ti nagan ti maladaga iti nagan ti amana, ni Zacarias. Ngem kinuna ni Eilsabet a nasken a Juan ti naganna. Nasdaaw ti tunggal maysa.
Sinaludsod dagiti tao ken ni Zacarias no ania ti nagan ti maladaga. Saan pay laeng a makapagsao ni Zacarias, isu nga insuratna ti, “Juan ti naganna.”
Kalpasanna nakapagsao manen ni Zacarias. Napnuan isuna iti Espiritu Santo. Imbagana kadagiti tao a mayanakto ni Jesucristo iti mabiit ket isagananto ni Juan dagiti tao para Kenkuana.
Dimmakkel ni Juan nga agbalin a naindaklan a propeta. Insurona dagiti tao maipapan ken ni Jesucristo.