Kapitulo 23

Ti Lalaki a Saan a Makapagna

Ni Jesus a mangag-agas kadagiti tattao

Maysa nga aldaw mangisursuro ni Jesus iti maysa a grupo ti tattao iti maysa a balay.

Lucas 5:17

dagiti lallaki a mangbagbagkat iti sabali a lalaki a nakaidda

Binagkat ti sumagmamano a lallaki ti gayyemda a nakaidda tapno mangkita ken ni Jesus. Saan a makagunay ti gayyem. Saan a maiserrek dagiti lallaki isuna iti balay gapu iti kaadu ti tattao.

Lucas 5:18–19

dagiti lallaki a mangibabbaba iti tao a nakaidda iti balay

Impan dagiti lallaki ti gayyemda iti atep ti balay. Inikkatda ti paset ti atep ket imbabada ti gayyemda iti balay.

Marcos 2:4; Lucas 5:19

Ni Jesus a mangag-agas iti lalaki

Idi makitana ti dakkel a pammati dagitoy a lallaki, imbaga ni Jesus iti masakit a lalaki a napakawanen dagiti basolna. Imbagana kenkuana a bagkatenna ti iddana ket agawiden. Timmakder ti lalaki. Nalainganen isuna. Binagkatna ti iddana ket nagna a nagawid. Nagyaman unay isuna iti Dios.

Lucas 5:20, 24–25