Kapitulo 19

Ti Kaskasaba iti Bantay

Maysa nga aldaw sinuruan ni Jesus dagiti disipulona iti ebanghelio iti bangir ti bantay iti igid ti Baybay ti Galilea.

Mateo 5:1

Imbagana kadakuada no kasano a makapagragsakda ken makipagnaed manen iti Nailangitan nga Ama. Dagiti banag nga insurona kadakuada ti makaparagsak pay kadatayo.

Mateo 5–7

Kinuna ni Jesus a nasken nga agbalintayo a nadungngo, naanus, ken natallugod nga agtungpal iti Nailangitan nga Ama.

Mateo 5:5

Nasken nga ikarigatantayo agingga a kabaelantayo ti agbalin a nalinteg.

Mateo 5:6

Nasken a pakawanentayo dagiti tao a nangdangran kadatayo wenno nangpasakit iti riknatayo. No pakawanentayo ida, pakawanennatayonto ti Nailangitan nga Ama.

Mateo 5:7

Nasken nga agbalintayo a mamagkappia, ayatentayo dagiti dadduma a tao, ken tulongantayo ti tunggal maysa nga aggiinnayat.

Mateo 5:9

Nasken a saantayo nga agbuteng a mangibaga kadagiti tao maipapan iti ebanghelio wenno mangipakita kadakuada nga ay-ayatentayo ti Nailangitan nga Ama. No makitadatayo dagiti dadduma a tao nga agaramid iti nasayaat, daytoy ti mangtulongto kadakuada a mamati met iti Dios.

Mateo 5:14–16

Nasken a kanayon a tungpalentayo dagiti karitayo.

Mateo 5:33–37

Ket kas iti kayattayo a panagbalin a naasi kadatayo dagiti dadduma, nasken nga agbalintayo a naasi kadakuada.

Mateo 7:12

Kinuna ni Jesus a no aramidentayo dagitoy a banag, agragsaktayonto, bendisionannatayonto ti Nailangitan nga Ama, ken agnaedtayonto manen iti sidongna.

Mateo 5:2–12