Kapitulo 46

Ti Maikadua a Yaay

Ni Jesus a mangisursuro kadagiti disipulo

Adda ni Jesus iti Bantay dagiti Olibo. Kayat dagiti disipulona ti agdamag ken ni Jesus iti sumagmamano a saludsod. Dinamagda no kaano ti pannakadadael dagiti nadangkes a tao. Kinayatda pay nga ammuen no kaano manen ti yaay ni Jesus.

Mateo 24:3; Joseph Smith—Mateo 1:4

lalaki nga agsarsarita iti ummong

Imbaga ni Jesus kadakuada a sakbay ti Maikadua a Yaayna, ibaganto dagiti palso a propeta nga isuda ti Cristo. Adunto a tao ti sumurot kadakuada. Ngem no agtungpal dagiti pasurotna kadagiti balikasna, saan a maallilaw ida dagiti palso a propeta. Maisalakandanto.

Mateo 24:4–5, 24–27; Marcos 13:21–22; Joseph Smith—Mateo 1:21–22, 37

pamilia a mangmagna kadagiti narebba

Kinuna pay ni Jesus a sakbay nga umay Isuna manen, adunto ti gubgubat, panagbisin, ken nakaro a saksakit, ken gingginned. Adunto a tao ti agsardeng a mangtulong iti dadduma ket agbalinda a nadangkes.

Doktrina ken Katulagan 45:16, 26–27, 31–32;Joseph Smith—Mateo 1:23, 28–30

lalaki a magmagna nga umadayo kadagiti misionario

Maikasabanto ti ebanghelio iti sibubukel a lubong, ngem adunto ti saan a dumngeg.

Doktrina ken Katulagan 45:28–29; Joseph Smith—Mateo 1:31

dagiti matmatnag a bituen

Ti init agsipngetto, ti bulan dinto aglawag, dagiti bituen matnagdanto manipud langit.

Mateo 24:29; Marcos 13:24–25; Joseph Smith—Mateo 1:33

Ni Jesus nga agparparang kadagiti tao

Inton umay ni Jesus, makitanto dagiti tao a bumabbaba Isuna manipud kadagiti ulep nga addaan iti bileg ken naindaklan a gloria. Ibaonnanto dagiti anghelna a mangummong kadagiti nalinteg a sangkamaysa.

Mateo 24:30–31; Marcos 13:26–27; Joseph Smith—Mateo 1:36–37

pamilia a kumitkita iti ladawan ni Jesus

Makapagsaganatayo para iti Maikadua a Yaay babaen ti panagaramid no ania ti umno. No makitatayo dagiti tanda nga inkari ni Jesus, ammotayonto nga asidegen ti yaay ti Mangisalakan. Awan ti makaammo ti eksakto no kaano ti yaayto manen ni Jesus. No nakasaganatayo, makapagnaedtayo Kenkuana.

Mateo 24:44; Lucas 21:36; Joseph Smith—Mateo 1:39–40