Scripture Stories
Kapitulo 14: Nicodemo


Kapitulo 14

Nicodemo

Ladawan
Nicodemo

Kameng ni Nicodemo iti maysa a grupo dagiti Judio a maawagan iti Fariseo. Isu pay ti agturay dagiti Judio. Adu a Fariseo ti saan a mamati nga imbaon ti Dios ni Jesucristo. Ngem namati ni Nicodemo gapu kadagiti milagro nga inaramid ni Jesus.

Ladawan
Ni Jesus a makisarsarita ken ni Nicodemo

Immay ni Nicodemo tapno makasao ti Mangisalakan iti maysa a rabii. Imbaga ni Jesus kenkuana nga awan ti asino man a makastrek iti pagarian ti Dios a saan a mayanak a mabaliwan.

Ladawan
Ni Nicodemo a makisasao ken ni Jesus

Saan a naawatan ni Nicodemo. Kasano ti pannakabalin ti tao a mayanak a mabaliwan? Inlawlawag ti Mangisalakan nga isarsaritana maipapan kadagiti naespirituan a banag. Tapno mayanak a mabaliwan, nasken a mabuniagan ti tao iti danum ken awatenna ti Espiritu Santo.

Ladawan
Ni Jesus nga agsarsarita

Inlawlawag ni Jesus a naibaon Isuna iti daga tapno tulongannatayo amin nga agsubli iti Nailangitan nga Ama. Kinunana nga agsagabanto para kadagiti basbasoltayo ken matay iti krus tapno maaddaantayo iti biag nga agnanayon.

Ladawan
Ni Jesus a makisarsarita ken ni Nicodemo

Kinunana a nasken a mamatitayo Kenkuana ken pilientayo ti rumbeng. No aramidentayo ti rumbeng, agnaedtayonto iti pagarian ti Dios iti agnanayon.