Scripture Stories
Kapitulo 35: Ti Naimbag a Samaritano


Kapitulo 35

Ti Naimbag a Samaritano

Ladawan
Ni Jesus a mangisursuro kadagiti tao

Insarita ni Jesus ti adu nga estoria, wenno pangngarig, a mangtulong kadagiti tao nga agsursuro iti kinapudno.

Ladawan
lalaki a makisarsarita ken ni Jesus

Maysa nga aldaw sinaludsod ti maysa a pangulo dagiti Judio no ania ti nasken nga aramidenna tapno maaddaan iti agnanayon a biag. Dinamag ti Mangisalakan no ania ti kinuna dagiti nasantuan a kasuratan. Kinuna ti pangulo a nasken nga ayaten ti tao ti Dios ken ayatenna pay ti kaarrubana. Kinuna ni Jesus a husto isuna. Kalpasanna sinaludsod ti pangulo, “Asino ti kaarrubak?”

Ladawan
lallaki a mangkabkabil iti sabali a lalaki

Insungbat ni Jesus babaen ti panangisaritana iti lalaki iti maysa nga estoria. Maysa nga aldaw magmagna ti maysa a lalaki a Judio iti kalsada a mapan iti siudad ti Jerico. Tinakawan ken kinabkabil dagiti tulisan isuna. Pinanawanda ti lalaki iti kalsada, a ngannganin matay.

Ladawan
lalaki a manglablabas iti nasugatan a lalaki

Di nagbayag lumabas ti maysa a padi a Judio ket nakitana ti lalaki. Nagna ti padi iti sabali a bangir ti kalsada. Saanna a tinulongan ti lalaki.

Ladawan
lalaki a manglablabas iti nasugatan a lalaki

Lumabas ti sabali pay a lalaki a Judio nga agtartrabaho iti templo. Nakitana ti nasugatan a lalaki. Ngem saanna a tinulongan ti lalaki ket nagna iti sabali a bangir ti kalsada.

Ladawan
lalaki a mangtultulong iti nasugatan a lalaki

Kalpasanna lumabas ti maysa a lalaki a Samaritano. Saan nga agkatunosan dagiti Judio ken Samaritano. Ngem idi makita ti Samaritano ti lalaki, naasian unay kenkuana. Binedbedanna dagiti sugat ti lalaki ket kinawesanna daytoy.

Lucas 10:33–34; Juan 4:9; Pangiwanwan iti Nasantuan a Kasuratan, “Samaritano.”

Ladawan
lalaki a mangbaybayad iti agay-aywan iti pagdagusan

Impan ti Samaritano ti lalaki iti pagdagusan ket tinarakenna agingga iti sumaruno nga aldaw. Idi nasken a pumanaw ti Samaritano, inikkanna iti kuarta ti agay-aywan iti pagdagusan ken imbagana kenkuana a taraknenna ti lalaki.

Ladawan
Ni Jesus a mangisursuro kadagiti disipulo

Kalpasan a naisarita ni Jesus daytoy nga estoria, dinamagna iti pangulo a Judio no asino kadagiti tallo a lallaki ti kaarruba ti nasugatan a lalaki.

Ladawan
lalaki a makisarsarita ken ni Jesus

Kinuna ti pangulo a ti Samaritano ti kaarrubana gapu ta tinulonganna ti lalaki. Imbaga ni Jesus iti pangulo a Judio nga agbalin a kas iti Samaritano.