Kalpasan ti Baro a Tulag

Dagiti Apostol

Nagpasnek a nagtrabaho dagiti dadaulo iti Simbaan tapno maisuro kadagiti tao ti maipapan ken ni Jesucristo. Sinarungkaranda dagiti Santo ket sinuratanda ida. Kimmappeng dagiti tao iti Simbaan iti adu a pagilian. Saan a kinayat dagiti nadangkes a tao a mamati dagiti tao ken ni Jesucristo.

Dagiti Aramid 6:2–4, 7; 11:19–21

grupo dagiti tao nga agsasarita

Kinayat dagiti nadangkes a tao ti mangbalbaliw kadagiti bilin. Sumagmamano a Santo ti dimngeg kadakuada. Adu ti nagsardeng a namati ken ni Jesus ken saanda a tinungpal dagiti bilinna.

Taga Galacia 1:6–8; Titus 1:10–11; 1 Juan 2:18–19

dagiti soldado a mangdardarup kadagiti tao

Napapatay dagiti Apostol ken adu a Santo. Awan ti maysa a nabati a mangidaulo iti Simbaan. Naibabawi manipud iti daga dagiti tulbek ti kinasaserdote. Awanan dagiti tao kadagiti propeta a mangiwanwan kadakuada. Awanen iti daga ti Simbaan ni Jesucristo. Kinuna da Apostol Pedro ken Pablo a mapasamak daytoy.

Mateo 23:34; 24:8–10; Taga Roma 8:36; 1 Taga Corinto 4:9–13; 1 Pedro 4:12; Jesus the Christ, 745–46

dagiti pasdek iti siudad

Naglabas dagiti ginasgasut a tawen. Adu dagiti nadumaduma a simbaan. Awan kadagitoy ti addaan kadagiti Apostol wenno iti kinasaserdote ti Dios. Awan kadagiti simbaan ti Simbaan ni Jesucristo. Ngem kinuna dagiti propeta a kalpasan ti adu a tawen agsubli manen ti Simbaan ni Jesucristo iti daga.

Dagiti Aramid 3:19–26; 2 Taga Tesalonica 2:1–4; 2 Timoteo 4:3–4

Ni Joseph Smith nga agkarkararag iti kakaywan

Idi 1820 maysa a barito nga agnagan iti Joseph Smith ti nagtarigagay a mangammo no ania a simbaan ti Simbaan ni Jesucristo. Napan isuna iti kakaywan nga asideg iti pagtaenganna ket nagkararag. Indawatna iti Dios a mangibaga kenkuana no ania a simbaan ti umno.

Joseph Smith—Pakasaritaan 1:3, 5, 10, 14–15

Panagparang ti Nailangitan nga Ama ken Jesucristo ken ni Joseph Smith

Napan ti Nailangitan nga Ama ken Jesucristo ken ni Joseph Smith. Imbaga ti Mangisalakan ken ni Joseph a saan nga agkameng iti ania man kadagiti simbaan gapu ta awan kadagitoy ti Simbaanna.

Joseph Smith—Pakasaritaan 1:17–19

Ni Joseph Smith a mangbasbasa kadagiti balitok a pinanid

Pinili ti Dios nga isubli ti Simbaan ni Jesucristo iti daga babaen ken ni Joseph Smith. Nangibaon ti Dios kadagiti anghel a mangted ken ni Joseph Smith iti kinasaserdote. Tinulonganna ni Joseph a mangipatarus iti Libro ni Mormon. Idi Abril 6, 1830, nabukel manen ti Simbaan ni Jesucristo iti daga.

Joseph Smith—Pakasaritaan 1:33, 66–75

Ni Joseph Smith a mangor-orden kadagiti Apostol

Kas met laeng iti panangpili ni Jesus iti Sangapulo-ket-dua nga Apostol idi adda Isuna iti daga, tinulongan ti Dios ni Joseph Smith a mangpili iti Sangapulo-ket-dua nga Apostol a mangtulong kenkuana a mangidaulo iti Simbaan. Naikkan dagitoy a lallaki iti bileg a mangisuro iti ebanghelio ken agaramid kadagiti milagro.

Doktrina ken Katulagan 102:3; 107:22–23, 35

dagiti misionario a mangisursuro iti pamilia

Tarigagayan ni Jesus a maammuan ti tunggal maysa maipapan iti Simbaanna. Imbagana ken ni Joseph Smith a mangibaon kadagiti misionario a mangisuro iti amin a tao maipapan iti Ti Simbaan ni Jesucristo dagiti Santo iti Ud-udina nga Aldaw.

Doktrina ken Katulagan 1:18, 30

Ti Mangisalakan iti sango ti templo

Ti Simbaan ni Jesucristo dagiti Santo iti Ud-udina nga Aldaw ti isu met la a simbaan a binukel ni Jesus idi nagnaed Isuna iti daga.

Doktrina ken Katulagan a 115:4