Kapitulo 29
Magna ni Jesus iti Rabaw ti Danum
Kalpasan ti panangpakanna iti 5,000, simmang-at ni Jesus iti bantay tapno agkararag. Naglugan dagiti disipulona iti bilog a mangballasiw iti Baybay ti Galilea. Idi rumabiin, nangrugi a nagangin iti napigsa, ket ngimmato dagiti dalluyon.
Iti dayta a rabi, napan ni Jesus kadagiti disipulona. Nagnagna iti rabaw ti danum a mapan iti bilog.
Nakita dagiti disipulo a mangmagna Isuna iti rabaw ti danum. Nagbutengda. Impagarupda nga Espiritu Isuna. Inawagan ni Jesus ida, “Siak daytoy; dikay agbuteng.”
Kayat met ti Pedro ti magna iti rabaw ti danum. Imbaga ni Jesus ken ni Pedro nga umasideg Kenkuana. Dimsaag ni Pedro iti bilog. Nagrugi Isuna a nagna iti rabaw ti danum nga agturong iti Mangisalakan.
Gapu ta pimmigsa unay ti angin, nagbuteng ni Pedro. Nangrugi isuna a lumned iti danum ket impukkawna ken ni Jesus a mangisalakan kenkuana.
Iniggaman ti Mangisalakan ti ima ni Pedro. Sinaludsodna ken ni Pedro no apay a kurang ti pammatina.
Idi makadanon da Jesus ken Pedro iti bilog, nagsardeng ti bagyo. Nagdaydayaw ti amin a disipulo iti Mangisalakan. Ammoda a ni Jesus ti Anak ti Dios.