Kapitulo 12
Ti Kallaysa iti Cana
Dinar-ayan ni Jesucristo ken dagiti disipulona ti maysa a parambak ti kallaysa iti Cana. Adda idiay ni Maria, ti ina ni Jesus. Imbagana ken ni Jesus nga awanen ti arak para kadagiti sangaili.
Rinaem ken inayat ni Jesus ti inana. Sinaludsodna kenkuana no ania ti kayat ni Jesus nga aramidenna.
Juan 2:4 (kitaen iti footnote 4a)
Imbaga ni Maria kadagiti katulongan iti kallaysa nga aramidenda no ania ti imbaga ni Jesus nga aramidenda.
Imbaga ni Jesus kadagiti katulongan a punnuenda iti danum ti innem a dadakkel a burnay. Naglaon ti tunggal burnay iti 18 agingga iti 27 a galon (68 ken 102 litro). Kalpasanna pinagbalinna nga arak ti danum.
Imbagana kadagiti katulongan a mangalada iti arak manipud kadagiti burnay ket iserbi daytoy iti agturay ti parambak.
Nasdaaw ti agturay iti parambak idi ininumna ti arak. Gagangay a maiserbi ti kaimasan nga arak iti rugi ti maysa a parambak. Ngem iti daytoy a kanito, kaudian a naiserbi ti kaimasan nga arak.
Daytoy ti umuna a naisurat a milagro nga inaramid ni Jesus kabayatan ti panagbiagna iti daga. Inaramidna daytoy a makatulong iti inana. Daytoy pay ti nakatulong a nangpapigsa iti pammati dagiti disipulona.