Kapitulo 58
Ni Simon ken ti Kinasaserdote
Nadamag ken namati iti ebanghelio ti adu a tao iti Samaria. Nabuniaganda, ngem awan kadakuada ti Espiritu Santo.
Napan da Pedro ken Juan iti Samaria. Impatayda dagiti imada iti ulo dagiti tao ket intedda kadakuada ti sagut ti Espiritu Santo.
Nakita ti lalaki nga agnagan iti Simon da Pedro ken Juan a mangmangted kadagiti tao iti sagut ti Espiritu Santo. Ammo ni Simon a makaited ti dua nga Apostol iti sagut ti Espiritu Santo gapu ta addaanda iti kinasaserdote. Tinarigagayanna met ti maaddaan iti kinasaserdote.
Indiayana ti kuarta kada Pedro ken Juan para iti daytoy. Imbaga ni Pedro ken ni Simon nga awan ti makagatang iti kinasaserdote. Ited ti Dios daytoy kadagiti nalinteg a lallaki. Ammo ni Pedro a saan a nalinteg ni Simon. Imbagana kenkuana nga agbabawi.