Scripture Stories
Kapitulo 55: Idauluan dagiti Apostol ti Simbaanna


Kapitulo 55

Idauluan dagiti Apostol ti Simbaan

Ladawan
Ni Jesus a mangisursuro kadagiti Apostol

Kalpasan ti panagungarna, nagtalinaed ni Jesus kadagiti Apostolna iti uneg ti 40 nga aldaw. Sinuruanna ida iti adu a banag maipapan iti ebanghelio ken ti Simbaanna.

Ladawan
Ni Jesus a mangisursuro kadagiti Apostol

Imbagana kadakuada a mangisuro iti ebanghelio iti amin a tao. Kinunana pay a panawanna ida iti mabiit, ngem umayto ti Espiritu Santo a mangtulong kadakuada.

Ladawan
Ni Jesus nga agsubsubli iti langit

Binuya dagiti Apostol ni Jesus nga umul-uli kadagiti ulep. Imbaga ti dua nga anghel a nagkawes iti puraw kadagiti Apostol nga agsublinto ni Jesus manipud iti langit iti maysa nga aldaw.

Ladawan
Da Pedro, Santiago, ken Juan

Dagiti Apostol itan ti dadaulo ti Simbaan ni Jesucristo iti daga. Ni Pedro ti Presidente, da Santiago ken Juan dagiti mammagbagana.

Mateo 16:18–19; Doktrina ken Katulagan 81:1–2; Jesus the Christ, 219–20

Ladawan
lalaki nga or-ordenan dagiti Apostol

Sangapulo-ket-maysa laeng dagiti Apostol—natayen ni Judas. Imbaga ti Nailangitan nga Ama kadagiti Apostol a pilienda ni Matias nga agbalin a maysa kadagiti Sangapulo-ket-dua nga Apostol. Addaan naisangsangayan a pagrebbengan iti kinasaserdote ti amin dagiti Apostol.

Ladawan
tattao nga aggigiddan nga agkarkararag

Adda pammati iti Apo dagiti Apostol ken dagiti dadduma pay a disipulo. Nagtungpalda kadagiti bilinna. Naggiinnayatda iti tunggal maysa.

Ladawan
Dagiti Apostol a mangisursuro kadagiti tao

Ti kaadda ti kinasaserdote [priesthood] ken bileg ti Espiritu Santo, makaaramid dagiti Apostol iti adu a banag. Inagasanda dagiti masakit ken nagbalinda a misonario. Nangisuroda maipapan ken ni Jesucristo ken ti ebangheliona. Adu ti namati kadagiti balikas dagiti Apostol ken nagkamengda iti Simbaan. Maawagan iti Santo dagiti miembro ti Simbaan.