Dagiti Estoria iti Nasantuan a Kasuratan
Kapitulo 32: Paneknekan ni Pedro ni Jesucristo

Kapitulo 32

Paneknekan ni Pedro ni Cristo

Ni Jesus a mangisursuro kadagiti disipulo

Sinaludsod ni Jesus kadagiti disipulona no asino ti panangipagarup dagiti tao Kenkuana.

Mateo 16:13; Marcos 8:27; Lucas 9:18

dagiti disipulo a makisarsarita ken ni Jesus

Insungbat dagiti disipulo nga impagarup ti sumagmamano a tao a ni Juan Bautista ni Jesus. Impagarup dagiti dadduma nga Isu ti propeta iti Daan a Tulag a nagungar manipud kadagiti natay.

Mateo 16:14; Marcos 8:28; Lucas 9:19

Ni Pedro nga agsarsarita

Sinaludsod ni Jesus kadagiti disipulona no asino ti panangipagarupda Kenkuana. Kinuna ni Pedro, “Sika ti Cristo, ti Anak ti Dios a sibibiag.”

Mateo 16:15–16; Marcos 8:29; Lucas 9:20

Ni Jesus a makisarsarita kadagiti disipulo

Inlawlawag ni Jesus a saan a naggapu ti pammaneknek ni Pedro iti sursuro dagiti tao. Naggapu ti pammaneknekna babaen ti paltiing manipud iti Dios.

Mateo 16:17

Ni Jesus a makisarsarita ken ni Pedro

Inkari ni Jesus ken ni Pedro nga itednanto kenkuana ti kinasaserdote [priesthood] ken ti turay a mangidaulo iti Simbaanna. Kalpasanna maaddaanto da Pedro ken dagiti disipulo iti turay a mangbangon iti Simbaan ni Jesus iti daga.

Mateo 16:18–19

Ni Jesus nga agtaktakder iti abay ni Pedro

Imbaga ni Jesus kadagiti disipulona a saanda pay nga ibagbaga iti asino man nga Isu ti Cristo. Umuna kasapulanna ti agsagaba, mapapatay, ken agungar manipud kadagiti natay iti maikatlo nga aldaw.

Mateo 16:20; Marcos 8:30–31; Lucas 9:21–22