Kapitulo 32
Paneknekan ni Pedro ni Cristo
Sinaludsod ni Jesus kadagiti disipulona no asino ti panangipagarup dagiti tao Kenkuana.
Insungbat dagiti disipulo nga impagarup ti sumagmamano a tao a ni Juan Bautista ni Jesus. Impagarup dagiti dadduma nga Isu ti propeta iti Daan a Tulag a nagungar manipud kadagiti natay.
Sinaludsod ni Jesus kadagiti disipulona no asino ti panangipagarupda Kenkuana. Kinuna ni Pedro, “Sika ti Cristo, ti Anak ti Dios a sibibiag.”
Inlawlawag ni Jesus a saan a naggapu ti pammaneknek ni Pedro iti sursuro dagiti tao. Naggapu ti pammaneknekna babaen ti paltiing manipud iti Dios.
Inkari ni Jesus ken ni Pedro nga itednanto kenkuana ti kinasaserdote [priesthood] ken ti turay a mangidaulo iti Simbaanna. Kalpasanna maaddaanto da Pedro ken dagiti disipulo iti turay a mangbangon iti Simbaan ni Jesus iti daga.
Imbaga ni Jesus kadagiti disipulona a saanda pay nga ibagbaga iti asino man nga Isu ti Cristo. Umuna kasapulanna ti agsagaba, mapapatay, ken agungar manipud kadagiti natay iti maikatlo nga aldaw.