Scripture Stories
Kapitulo 5: Mayanak ni Jesucristo


Kapitulo 5

Mayanak ni Jesucristo

Ladawan
Romano a mangbubuis kadagiti tao

Nagaramid ti emperor a Romano iti maysa a linteg a nasken nga agbayad iti buis ti tunggal maysa. Nagnaed da Joseph ken Maria iti Nazaret. Nasken a pagnaenda ti 65 milia (105 km) a mapan iti Bethlehem tapno agbayad iti buisda.

Ladawan
Da Jose ken Maria nga agdaldaliasat

Saan a nalaka nga agdaliasat ni Maria a mapan iti Betlehem. Asidegen a maipasngay ti maladagana.

Ladawan
Da Jose ken Maria iti pagdagusan

Idi makadanon da Jose ken Maria iti Betlehem, napno ti amin a siled iti tattao. Nasken nga agtalinaed da Maria ken Jose iti maysa a kuadra. Ti kuadra ket maysa a lugar a pagyanan dagiti ayup.

Ladawan
Ni Jose, ni Maria, ken ti maladaga a Jesus

Idiay a naipasngay ti maladaga. Binungon ni Maria Isuna iti lampin ket impaiddana Isuna iti maysa a kulluong. Ninaganan da Jose ken Maria ti maladaga iti Jesus.

Ladawan
anghel nga agparparang kadagiti pastor

Iti sardam a nayanak ni Jesus, ay-aywanan dagiti pastor ti karneroda kadagiti talon nga asideg ti Betlehem. Immay ti anghel kadakuada. Nagbuteng dagiti pastor.

Ladawan
anghel nga agparparang kadagiti pastor

Imbaga ti anghel kadakuada a saanda nga agbuteng. Adda napintas a padamagna: Nayanak ti Mangisalakan, ni Jesucristo, iti Betlehem. Masarakandanto Isuna a nakaidda iti maysa a kulluong.

Ladawan
dagiti pastor a sumarsarungkar iti maladaga a Jesus

Napan dagiti pastor iti Betlehem, a nakakitaanda iti maladaga a ni Jesus.

Ladawan
dagiti pastor a makisarsarita kadagiti tao

Naragsak dagiti pastor a makakita iti Mangisalakan. Imbagada iti dadduma a tao maipapan iti nangngegan ken nakitada.