Scripture Stories
Kapitulo 44: Mapan ti Mangisalakan iti Jerusalem


Kapitulo 44

Mapan ti Mangisalakan iti Jerusalem

Ladawan
uppat a lallaki nga agsarsarita

Imbaga ti sumagmamano a tao kadagiti saserdote ken Fariseo a ni Jesus ti nangpasubli iti biag ni Lazaro. Impagarup dagiti Fariseo a mamati ti tunggal maysa ken ni Jesus. Nagbutengda nga awan ti dumngeg kadakuada.

Ladawan
uppat a lallaki nga agsarsarita

Nangplano dagiti Fariseo iti maysa a wagas a pangpatayanda ken ni Jesus. Nagurayda Kenkuana nga umay iti Jerusalem para iti fiesta ti Paskua [Passover].

Ladawan
Ni Jesus a nakasakay iti asno iti dalanna a mapan iti Jerusalem

Napan ni Jesus iti Jerusalem. Nadamag ti adu a tao nga umay Isuna ket napanda simmabat Kenkuana. Simmakay ni Jesus iti urbon nga asno a napan iti siudad. Insurat ti maysa a propeta nga aramidento daytoy ti Anak ti Dios. Adu a tao ti mamati a ni Jesus ti Anak ti Dios. Nangikabilda kadagiti sanga ti palma ken sumagmamano kadagiti kawesda iti daga a pagnaanna. Impukkawda ti hosana ket kinunada a ni Jesus ti arida.

Ladawan
tattao nga agsarsarita

Immay dagiti tao iti Jerusalem a mangkita no ania ti mapaspasamak. Dinamagda no asino ni Jesus. Imbaga dagiti tao iti ummong kadakuada nga Isu ti propeta a naggapu iti Nazaret.

Ladawan
tallo a nangpungtot a lallaki

Nagpungtot dagiti Fariseo. Saanda a kayat a mamati dagiti tao a ni Jesus ti Mangisalakan. Ammo ni Jesus a kayat dagiti Fariseo ti mangpatay Kenkuana.

Ladawan
Ni Jesus a makisasao kadagiti disipulona

Imbaga ni Jesus kadagiti disipulona nga asidegen a matay Isuna. Agsagaba Isuna para kadagiti basbasol ti amin a tao ken kalpasanna matay iti krus. Isu ti Mangisalakan ti lubong. Daytoy ti gapu no apay nga immay ditoy daga.