Scripture Stories
Kapitulo 42: Ti Nabaknang nga Agtutubo a Lalaki


Kapitulo 42

Ti Nabaknang nga Agtutubo a Lalaki

Ladawan
Ni Jesus a makisasao iti agtutubo a lalaki

Maysa nga aldaw immay ken Jesus ti maysa nga agtutubo a lalaki ken dinamagna Kenkuana no ania ti nasken nga aramidenna tapno mapan iti langit.

Ladawan
Ni Jesus a makisasao iti agtutubo a lalaki

Imbaga ti Mangisalakan kenkuana nga ayaten ken dayawenna ti ama ken inana ken saan a pumatay iti asino man wenno agulbod wenno agtakaw. Kinuna ti nabaknang nga agtutubo a kanayon a tinungpalna dagiti bilin.

Ladawan
Ni Jesus a makisasao iti agtutubo a lalaki

Imbaga ni Jesus iti agtutubo a lalaki a kasapulanna nga aramiden ti maysa pay a banag. Kasapulanna nga ilako ti amin a banag nga adda kenkuana ket itedna ti kuarta kadagiti napanglaw. Kalpasanna nasken a sumurot Kenkuana ti agtutubo a lalaki.

Ladawan
ti agtutubo a lalaki a tumaltalikud ken ni Jesus

Saan a kayat ti agtutubo a lalaki ti mangted iti amin a banag nga adda kenkuana. Ad-adda ti panagayatna kadagiti banag a kukuana ngem iti panagayatna iti Dios. Pimmanaw ti agtutubo a lalaki a malidlidayan.

Ladawan
Ni Jesus a mangisursuro kadagiti tao

Imbaga ti Mangisalakan kadagiti dispulona a narigat a makapan iti langit dagiti agayat iti kinabaknang. Saan a naawatan dagiti dispulona. Dinamagda no asino ti mabalin a makipagindeg iti Dios. Kinuna ni Jesus makapagnaed Kenkuana iti langit dagiti tao nga agtalek iti Dios ken mangipateg Kenkuana nga ad-adda ngem iti ania man a banag.

Marcos 10:23–30 (kitaen iti footnote 27a)