Kapitulo 52
Dagiti Pannakausig ni Jesus
Nangipatulod dagiti dadaulo dagiti Judio kadagiti lallaki nga addaan iti espada ken pang-or iti Minuyongan ti Getsemani.
Ni Judas Iscariote ti kaduada. Binayadan dagiti turayen dagiti papadi ni Judas tapno ipakita kadagiti lallaki no sadino ti yan ni Jesus.
Impakita ni Judas kadagiti lallaki no asino ni Jesus babaen ti panangagek Kenkuana. Innala dagiti lallaki ni Jesus. Linais ken pinang-orda Isuna. Kalpasanna impanda ni Jesus iti kanguatan a padi, ni Caifas.
Nagsaludsod dagiti dadaulo dagiti Judio ken ni Jesus. Kinunada a naglabsing Isuna iti linteg babaen ti panagkunana nga Isu ti Anak ti Dios. Kinuna ni Jesus nga isu ti Anak ti Dios. Kinunada a nagbasol ni Jesus ket nasken a matay.
Awan ti turay dagiti dadaulo a Judio a mangpatay ken ni Jesus. Indatagda Isuna ken ni Ponsio Pilato, a mabalin a mangkedngan ken ni Jesus a matay. Imbaga dagiti dadaulo a Judio ken ni Pilato nga insuro ni Jesus kadagiti tao a labsingenda ti linteg a Romano.
Saan a napanunot ni Pilato a nagaramid ni Jesus iti ania man a banag a biddut. Kayat ni Pilato a wayawayaanna ni Jesus. Kayat ti ummong a mailansa ni Jesus iti krus.
Kayat latta ni Pilato a wayawayaanna ni Jesus. Ngem impukpukkaw dagiti papadi ken dagiti tao a kayatda a mailansa ni Jesus iti krus.
Binugguan ni Pilato dagiti imana. Kinunana a saan a responsable isuna iti pannakatay ni Jesus. Kinuna dagiti tao nga isuda ti responsable iti ipapatayna. Imbaga ni Pilato kadagiti soldadona nga ilansada ni Jesus iti krus.