Scripture Stories
Kapitulo 40: Ti Naimbag a Pastor


Kapitulo 40

Ti Naimbag a Pastor

Ladawan
Ni Jesus nga agig-iggem iti kordero

Aywanan ti pastor dagiti karnero. Tulonganna ida nga agsapul iti taraon ken danum. Saanna nga ipalubos a madangran wenno mapukawda. Am-ammona ida ken ay-ayatenna ida ken itedna ti biagna a mangisalakan kadakuada.

Ladawan
Ni Jesus ken dagiti disipulo

Inawagan ni Jesucristo ti Bagina iti Naimbag a Pastor. Isu ti pastortayo. Datayo dagiti karnerona. Ay-ayatennatayo. Tulongannatayo a makasursuro iti kinapudno. Sursuruannatayo no kasano ti agbiag tapno makapagsublitayo iti Nailangitan nga Ama. Intedna ti biagna para kadatayo.

Ladawan
Ni Jesus a mangisursuro kadagiti disipulo

Imbaga ti Mangisalakan kadagiti tao iti Jerusalem nga adda sabali pay a karnerona. Kinunana a sarungkarannanto dagitoy dadduma pay a karnero. Saan a naawatan dagiti tao.

Ladawan
Ni Jesus a mangisursuro kadagiti disipulo

Kalpasan a nagungar ni Jesus, sinarungkaranna dagiti karnerona kadagiti kontinente ti America. Saritaen ti Libro ni Mormon maipapan iti isasarungkarna idiay. Nagtalinaed ni Jesus iti adu nga aldaw, a mangag-agas kadagiti masaksakit ken mangbembendision kadagiti tao. Intedna kadakuada ti priesthood ken binukelna ti Simbaanna. Insuro ni Jesus dagiti isu met la a banag kadagitoy a tao nga insurona kadagiti tao iti Jerusalem.