Scripture Stories
Kapitulo 61: Da Pablo ken Silas iti Pagbaludan


Kapitulo 61

Da Pablo ken Silas iti Pagbaludan

Ladawan
balasang nga agtugtugaw nga adda dagiti ima iti ulo

Adda dakes nga espiritu iti balasang. Kayat a denggen dagiti tao no ania ti kinuna ti dakes a sairo babaen kenkuana. Binayadanda dagiti lallaki a nagtrabahuanna tapno denggen nga agsao ti dakes nga espiritu.

Ladawan
lallaki a makisarsarita iti balasang

Idi limmabas da Pablo ken Silas, simmurot ti ubing a babai kadakuada. Idi aramidenna daytoy, nagsao ti dakes nga espiritu. Maysa nga aldaw binilin ni Pablo ti dakes nga espiritu a pumanaw kenkuana. Naaramid. Nagunget dagiti lallaki a pangtrabahuanna. Ita saanda a makaullo iti kuarta.

Ladawan
dagiti lallaki a mangbugbugkaw kadagiti Apostol

Impan dagiti lallaki da Pablo ken Silas kadagiti dadaulo ti siudadda. Kinunada a da Pablo ken Silas ti gapu ti riribuk.

Ladawan
dagiti soldado a mangsapsaplit kadagi Apostol

Pinasaplit ken pinaipupok dagiti dadaulo da Pablo ken Silas iti pagbaludan.

Ladawan
Dagiti Apostol nga agkarkararag

Dayta a rabii nagkararag da Pablo ken Silas ken nagkantada kadagiti himno iti Nailangitan nga Ama. Nangngegan ida ti amin iti pagbaludan. Pagam-ammuan ta nangrugi a nagkintayeg ti daga. Naglukat dagiti ridaw ti pagbaludan.

Ladawan
Dagiti Apostol a makisarsarita iti guardia

Nakariing ti guardia ket nakitana dagiti naluktan a ridaw. Impagarupna a naglibas dagiti balud. Imbaga ni Pablo iti guardia a saan nga agdanag. Adda pay laeng idiay ti amin a balud. Pinagparintumeng da Pablo ken Silas ti guardia ket indawatna no kasano ti pannakaisalakanna.

Ladawan
Ti Apostol a mangbumbuniag iti guardia

Insuro da Pablo ken Silas ti ebanghelio iti guardia ken ti pamiliana. Dayta a rabii nabuniagan ti guardia ken ti pamiliana.

Ladawan
dagiti soldado a pumaypayapay kadagiti Apostol

Iti kabigatanna winayawayaan dagiti dadaulo ti siudad da Pablo ken Silas. Napan da Pablo ken Silas iti sabali a siudad tapno agtrabahoda iti ad-adu pay kas misionario.