Kapitulo 27

Panangaramid iti Trabaho ti Amana iti Daga

lalaki nga agid-idda iti pagdigusan

Iti maysa nga aldaw ti piesta dagiti Judio, napan ti Mangisalakan iti tanke [pagdigusan] ti Betesda iti Jerusalem. Impagarup dagiti tao a no aggaraw ti danum iti tanke [pagdigusan], maagasan ti umuna a tao a tumakdang iti danum.

Juan 5:1–4

Ni Jesus a makisarsarita iti lalaki

Nakita ni Jesus ti lalaki nga asideg ti pagdigusan a saan a makapagna iti uneg ti 38 a tawen. Aldaw ti Panaginana [Sabbath] idi. Sinaludsod ni Jesus no kayat ti lalaki a mapaimbag iti sakitna. Kinuna ti lalaki a saan isuna a mapaimbag gapu ta saan iti kaano man a makaasideg iti danum nga umuna.

Juan 5:5–7

lalaki a mangmagna nga umadayo ken ni Jesus

Imbaga ni Jesus iti lalaki, “Tumakderka, bagkatem ta iddam ket mangnaka.” Dagus a naimbagan ti lalaki.

Juan 5:8–9

lallaki a makagura ken ni Jesus

Namati ti adu a tattao a Judio a maysa a basol ti agaramid kadagiti milagro iti Sabbath. Tinarigagayanda a patayen ni Jesus.

Juan 5:10–16

Ni Jesus a mangag-agas kadagiti tao

Insungbat ni Jesus nga ar-aramidenna laeng iti aldaw ti Sabbath no ania ti aramiden ti Amana.

Juan 5:17