Ti Umuna a Pangngarig
Ti Napukaw a Karnero
Addaan iti 100 a karnero ti maysa a naimbag a pastor. Maysa kadakuada ti napukaw.
Pinanawan ti pastor ti 99 a karnero tapno mangsapul iti maysa a napukaw. Idi masarakanna daytoy, kasta unay ti ragsakna.
Binagkat ti pastor ti karnero nga inyawid. Inawaganna nga umay ti amin a gagayyem ken kaarrubana ket makipagragsak kenkuana. Nasarakanna ti napukaw a karnero.
Imbaga ni Jesus kadagiti Fariseo no ania ti kayat a sawen ti pangngarig. Kinunana a maipada iti napukaw a karnero dagiti tao nga agbasol.
Kas iti pastor a nagtarigagay a mangisalakan iti napukaw a karnero, tarigagayan nga isalakan ni Jesus dagiti tao nga agbasol.
Kinuna ni Jesus a dayta ti gapu no apay a kinasarsaritana dagiti managbasol.
Mateo 18:11 (kitaen iti footnote 11c); Marcos 2:17
Ket kas met laeng a naragsakan unay ti pastor idi masarakanna ti napukaw a karnero, maragsakan unay ni Jesus no agbabawitayo.