Scripture Stories
Ti Maikatlo a Pangngarig: Ti Nayaw-awan nga Anak


Ti Maikatlo a Pangngarig

Ti Nayaw-awan nga Anak

Ladawan
lalaki ken dua nga annak a lallaki

Addaan iti dua nga annak ti maysa a lalaki. Inkari ti lalaki nga itedna ti kuartana kadakuada inton pumusay isuna. Saan a kayat ti inaudi nga anak a lalaki ti aguray. Kiniddawna iti amana ti pannakabagina a kuarta. Inted ti amana kenkuana daytoy.

Ladawan
tattao nga agin-inum iti arak

Innala ti anak a lalaki ti kuarta ket pimmanaw iti pagtaengan. Napan isuna iti sabali a daga. Inulit-ulit ti anak a lalaki ti nagbasol. Ginastosna amin ti kuarta.

Ladawan
dua a lallaki nga agsarsarita

Iti kamaudianan awanen ti kuarta ti anak a lalaki a panggatang iti taraon. Kasta unay ti bisinna. Nagkiddaw iti tulong iti maysa a lalaki. Tinagdanan ti lalaki isuna a mangpakan kadagiti baboyna.

Ladawan
lalaki nga agtaktakder iti abay dagiti baboy

Mabisin unay ti anak a lalaki ta kayatna a kanen ti kanen dagiti baboy. Ammona a naim-imas ti taraon a kanen dagiti adipen iti balay ti amana ngem iti kanenna.

Ladawan
lalaki a kumitkita iti anakna a lalaki iti panagawidna

Inkeddengna ti agbabawi ket kiniddawna nga agbalin nga adipen iti balay ti amana. Idi nagawid ti anakna a lalaki, nakita ti amana a sumangpeten isuna.

Ladawan
lalaki nga agtartaray a mangsabat iti anakna a lalaki

Nagtaray ti ama a mangsabat iti anakna a lalaki. Inarakupna ket inagkanna isuna.

Ladawan
lalaki a makisarsarita iti anak a lalaki

Imbaga ti anak a lalaki iti amana a nagbasol isuna. Nariknana a saan isuna a maikari a maawagan iti anak ti amana.

Ladawan
anak a mangikawkawes iti pagan-anay

Imbaga ti ama iti maysa nga adipen a mangyeg kadagiti kapatgan a pagan-anay ket ikawes dagitoy iti anak a lalaki. Inkabil ti adipen dagiti sapatos iti saka ti anak a lalaki ken maysa a singsing iti ramayna.

Ladawan
tattao a makipagramrambak

Imbaga ti ama iti adipen a mangisagana iti maysa a parambak. Kayatna nga agrambak ti tunggal maysa. Nagbabawin ti anak a lalaki ket nagsublin iti pagtaengan.

Ladawan
lalaki ken babai nga agsarsarita

Nagtartrabaho ti inauna a lalaki iti talon. Idi agawid, nangngegna dagiti toktokar ken salsala. Imbaga kenkuana ti adipen a nagawiden ti inaudi a kabsatna a lalaki. Kayat ti ama nga agrambak ti tunggal maysa.

Ladawan
lalaki a makisarsarita iti anakna a lalaki

Nakagura ti inauna nga anak a lalaki ket saan a sumrek iti balay. Rimmuar ti ama tapno kasao ti anakna.

Ladawan
lalaki a makisarsarita iti anakna a lalaki

Nagyaman ti ama gapu ta kanayon a nakadennana ti inauna nga anakna a lalaki. Kukuananto ti amin a banag nga adda iti ama. Kinuna pay ti ama a daytoy ti umisu a panagrambak. Naragsakan gapu ta nagbabawi ken nagawiden ti inaudi nga anakna a lalaki.

Ladawan
Ni Jesus a makisarsarita kadagiti disipulo

Insarita ni Jesus kadagiti Fariseo ti tallo a pangngarig gapu ta kayatna a maammuanda no kasano ti kadakkel ti ayat ti Nailangitan nga Ama iti tunggal maysa. Ay-ayatenna dagiti tao nga agtungpal Kenkuana. Ay-ayatenna pay dagiti managbasol, ngem saan a mabalin a bendisionan ida ti Nailangitan nga Ama agingga a saanda nga agbabawi. Kayatna nga agbabawi dagiti managbasol ken agsublida Kenkuana. Ken kayatna a tulongantayo ida a mangaramid iti dayta ken agbalin a naragsak no agsublida.