Ti Maikadua a Pangngarig

Ti Napukaw a Sensilio

babai nga agsapsapul iti sensilio

Addaan ti maysa a babai iti 10 a pirak a sensilio. Napukawna ti maysa kadagiti sensilio. Sinapulna daytoy iti amin a suli ti balay.

Lucas 15:8

babai nga agig-iggem iti sensilio

Kamaudiananna nasarakanna ti sensilio. Kasta unay ti ragsakna. Inawaganna dagiti gagayyem ken kaarrubana tapno ibagana kadakuada. Kasta unay met ti ragsakda gapu ta nasarakanna ti napukaw a sensilio.

Lucas 15:9

Ni Jesus nga agtaktakder a nakaunnat dagiti takiagna

Maipada dagiti dadaulo ken miembro ti Simbaan iti babai iti estoria; maipada ti napukaw a karnero iti maysa a miembro ti Simbaan a saan a mapmapan iti simbaan wenno saanen nga agkagumaan nga agtungpal kadagiti bilin. Kasla napukawdan manipud iti Simbaan. Kayat ni Jesucristo a sapulen dagiti miembro ti Simbaan ti asino man a napukaw a kakabsat a lallaki wenno babbai ket tulongan ida nga agsubli Kenkuana. Maragsakan unay isuna no mapasamak daytoy.

Jesus the Christ, 455–56

grupo ti tattao a nagkawes iti puraw

Maipada kadagiti anghel ti Dios dagiti gagayyem ken kaarruba iti estoria. Maragsakan unay dagiti anghel no agbabawi ti maysa a tao.

Lucas 15:10