Kapitulo 57
Patayen dagiti Nadangkes a Lallaki ni Esteban
Daytoy ti namagpungtot kadagiti dadaulo a Judio. Impupokda da Pedro ken Juan iti pagbaludan. Pinapatay ni Ari Herodes Agrippa ni Apostol Santiago.
Nangawag dagiti Apostol iti pito a lallaki a tumulong a mangidaulo iti Simbaan. Maysa ti nalinteg a lalaki nga agnagan iti Esteban. Insurona ti ebanghelio iti adu a tattao. Nagulbod ti sumagmamano a nadangkes a tao ket kinunada a nagsao ni Esteban iti maibusor iti linteg ti Judio. Innalada isuna tapno usigen dagiti dadaulo a Judio.
Imbaga ni Esteban kadagiti dadaulo a nadangkesda. Kinunana a pinatayda ni Jesucristo, ti Anak ti Dios.
Kalpasanna timmangad ni Esteban iti langit ket nakitana ti Nailangitan nga Ama ken ni Jesucristo. Idi imbagana kadagiti dadaulo no ania ti nakitana, nagpungtotda unay.
Innalada nga inruar ni Esteban iti siudad tapno patayenda babaen ti pananguborda iti bato kenkuana. Inyaplagda dagiti pagan-anayda iti sakaanan ti maysa a baro nga agnagan iti Saulo. Idi matmatayen ni Esteban, indawatna iti Dios nga alaenna ti espirituna iti langit. Indawatna pay iti Dios a pakawanenna dagiti tao a mangpatpatay kenkuana. Kalpasanna natayen isuna.