Scripture Stories
Kapitulo 57: Patayen dagiti Nadangkes a Lallaki ni Esteban


Kapitulo 57

Patayen dagiti Nadangkes a Lallaki ni Esteban

Ladawan
Dagiti Apostol a mangtultulong iti lalaki

Impagarup ti adu a dadaulo a Judio a maisardeng dagiti milagro no matay ni Jesus. Nupay kasta, nagaramid met dagiti Apostol kadagiti milagro. Adu dagiti tao a namati ken ni Jesucristo ket nagkamengda iti Simbaan.

Ladawan
dagiti soldado a mangbutbuteng iti lalaki

Daytoy ti namagpungtot kadagiti dadaulo a Judio. Impupokda da Pedro ken Juan iti pagbaludan. Pinapatay ni Ari Herodes Agrippa ni Apostol Santiago.

Ladawan
Apostol Esteban

Nangawag dagiti Apostol iti pito a lallaki a tumulong a mangidaulo iti Simbaan. Maysa ti nalinteg a lalaki nga agnagan iti Esteban. Insurona ti ebanghelio iti adu a tattao. Nagulbod ti sumagmamano a nadangkes a tao ket kinunada a nagsao ni Esteban iti maibusor iti linteg ti Judio. Innalada isuna tapno usigen dagiti dadaulo a Judio.

Ladawan
Ni Esteban a mangisursuro kadagiti tao.

Imbaga ni Esteban kadagiti dadaulo a nadangkesda. Kinunana a pinatayda ni Jesucristo, ti Anak ti Dios.

Ladawan
Panagparang ti Nailangitan nga Ama ken ni Jesucristo ken ni Esteban

Kalpasanna timmangad ni Esteban iti langit ket nakitana ti Nailangitan nga Ama ken ni Jesucristo. Idi imbagana kadagiti dadaulo no ania ti nakitana, nagpungtotda unay.

Ladawan
tattao a magbatbato ken ni Esteban

Innalada nga inruar ni Esteban iti siudad tapno patayenda babaen ti pananguborda iti bato kenkuana. Inyaplagda dagiti pagan-anayda iti sakaanan ti maysa a baro nga agnagan iti Saulo. Idi matmatayen ni Esteban, indawatna iti Dios nga alaenna ti espirituna iti langit. Indawatna pay iti Dios a pakawanenna dagiti tao a mangpatpatay kenkuana. Kalpasanna natayen isuna.