Vahe 99
1 Oku fakaha e he balofita ae bule ae Otua i Saione, 5 o ne eginaki ki he kakai kotoabe ke faifaitaki ki he kau mātua i mua, bea lotu ki he Otua i hono mouga maonioni.
¶ 1 OKU bule a Jihova; tuku ke tetetete ae kakai: oku afio ia i he vahaa oe ogo jelubi; tuku ke galulu a mamani.
2 Oku lahi a Jihova i Saione; bea oku maoluga lahi ia i he kakai kotoabe.
3 Tuku ke nau fakamalo ki ho huafa lahi mo fakailifia; he oku maonioni ia.
4 Oku ofa foki ae malohi oe tu‘i ki he fakamāu; oku ke fokotuu mau ae fai totonu, oku ke fai ae fakamāu moe maonioni ia Jekobe.
5 Mou fakahikihiki a Jihova ko ho tau Otua, bea lotu i hono tuuga va‘e; he oku maonioni ia.
6 Ko Mosese mo Elone i he ene kau taulaeiki, bea mo Samuela iate kinautolu oku ui ki hono huafa; naa nau ui kia Jihova, bea ne talia akinautolu.
7 Naa ne folofola kiate kinautolu i he bou oe ao: naa nau tauhi ene gaahi fakamooni, moe tuutuuni naa ne fokotuu kiate kinautolu.
8 E Jihova ko ho mau Otua, naa ke talia akinautolu: ko koe koe Otua naa ke fakamolemolea akinautolu, ne ogo hoo totogi koeuhi koe nau gaahi fakakaukau.
9 Fakahikihiki a Jihova ko ho tau Otua, bea lotu i hono mouga tabu; he oku maonioni a Jihova ko ho tau Otua.