Vahe 7
1 Oku lotu a Tevita koeuhi koe meheka o hono gaahi fili, o fakaha ene maonioni. 10 Oku ne mamata i he ene tui ki hono hufaga moe fakaauha o hono gaahi fili.
Koe Sikaiona a Tevita, aia naa ne hiva aki kia Jihova, koe mea i he gaahi lea a Kusi mei he faahiga o Benijimani.
¶ 1 E JIHOVA ko hoku Otua, oku ou falala be kiate koe: ke ke fakamoui au meiate kinautolu kotoabe oku fakataga‘i au, mo ke fakahaofi au.
2 Telia naa ne haehae hoku laumalie o hage koe laione, o haehae ia ke fakaikiiki, oka ikai ha fakahaofi.
3 E Jihova ko hoku Otua, kabau naaku fai eni; kabau oku ai ha agahala i hoku nima;
4 Kabau neu totogi kovi kiate ia nae nofo i he melino mo au; (io, naaku fakamoui ia aia kuo hoko ko hoku fili tae hano uhiga:)
5 Tuku ke tuli hoku laumalie e he fili, bea ma‘u ia; io, tuku ke ne molomoloki hifo eku moui i he kelekele, bea fakatokoto hoku ogoogolelei i he efu. Sila.
6 Tuu hake, E Jihova, i ho houhau, ke ke hiki hake koe, koe mea i he lili o hoku gaahi fili: bea ke a hake koeuhi ko au ki he fakamāu aia naa ke fekau.
7 Behe e kabui koe e he fakataha oe kakai: koia koe mea iate kinautolu ke ke haele hake ki oluga.
8 E fakamāu e Jihova ae kakai: ke ke fakamāu au, E Jihova, o fakatatau ki he eku maonioni, bea hage ko eku agatonu oku iate au.
9 Tuku ke gata ae kovi oe agakovi; ka ke fakatuu mau ae agatonu: he oku ahiahi‘i e he Otua maonioni ae gaahi loto moe gaahi koga loto.
10 Oku i he Otua a hoku fakāu, aia oku ne fakamoui ae kakai agatonu i loto.
11 Oku fakamāu e he Otua ae maonioni, bea oku houhau ae Otua ki he agakovi i he aho kotoabe.
12 Kabau e ikai te ne tafoki, te ne fakamata a ene heleta; kuo ne teteke ene kaufana, o teuteu ia.
13 Kuo ne teuteu foki kiate ia ae gaahi mea fakabo; oku ne tuutuuni ene gaahi gahau ki he kau fakataga.
14 Vakai, oku laga ia i he agakovi, bea kuo ne tuituia ae agabauu, bea fanau‘i eia ae kākā.
15 Naa ne gaohi ae luo, o keli ia, bea kuo to ia ki he luo naa ne gaohi.
16 E foki ki hono ulu oona a ene agabauu, bea e to hifo ki hono tumuaki oona a ene gaue fakamalohi.
17 Teu fakafetai kia Jihova o fakatatau ki he ene maonioni: bea teu hiva aki ae fakafetai ki he huafa o Jihova oku maoluga taha be.