Vahe 4
1 Koe lotu a Tevita ke tokaga ae Eiki kiate ia. 2 Oku ne valoki mo eginaki ki hono gaahi fili. 6 Oku i he Otua ae monuia oe tagata.
Ki he Takimua i he Nekina, koe Same a Tevita.
¶ 1 O KAU ka kole, fanogo mai kiate au, E Otua o eku maonioni: naa ke halahala‘i au mei he mamahi; ke ke aloofa mai kiate au, bea fanogo ki he eku lotu.
2 Ae gaahi foha oe tagata, e gata afe hoo mou liliu hoku nāunāu koe mea fakama? e gata afe hoo mou ofa ki he mea vaiga be, o kumi ki he loi? Sila.
3 Ka mou ilo kuo vahe‘i e Jihova maana aia oku agalelei: e fanogo e Jihova o kau ka kole kiate ia.
4 Mou manavahe, bea oua naa fai agahala: fakakaukau mo ho mou loto i ho mou mohega, bea mou fakalogo be. Sila.
5 Feilaulau aki ae gaahi feilaulau maonioni, bea mou falala kia Jihova.
6 Oku behe e he toko lahi, Kohai te ne fakaha ha lelei kiate kitautolu? E Jihova, ke ke hiki hake kiate kimautolu ae māma o ho fofoga.
7 Kuo ke ai ki hoku loto ae fiefia lahi hake i he fiefia i he kuoga nae tubu o lahi ai e nau uite moe uaine.
8 Teu tokoto hifo i he fiemalie, o mohe: he ko koe be, E Jihova, oku ke bule keu nofo lelei.