Vahe 12
1 Oku kole a Tevita ae tokoni mei he Otua i he ene majiva i he fiemalie mei he tagata. 3 Oku ne fakafiemalie‘i ia i he ene manatu ki he tautea i he Otua ki he agahala, bea i he ene tui ki he gaahi talaofa ae Otua.
Ki he Takimua i he Semini, koe Same a Tevita.
¶ 1 E JIHOVA, ke ke fakamoui; he kuo gata ae tagata agafakaotua; he oku fakaaau o toko jii ae agatonu i he gaahi fānau ae tagata.
2 Oku nau taki taha lea loi ki hono kaugaabi: oku nau lea i he lougutu labu moe kākā.
3 E fakaauha e Jihova ae gaahi lougutu labu kotoabe, bea moe elelo oku lea aki ae gaahi mea fakafielahi:
4 Akinautolu nae behe, Te tau ikuna aki ho tau elelo; oku otautolu be ho tau lougutu: kohai ae eiki kiate kitautolu?
5 Oku behe e Jihova, koe mea i he fakamalohi‘i oe majiva, moe gaahi mafulu oe vaivai, teu tuu hake; teu fokotuu moui ia meiate ia aia oku manuki kiate ia.
6 Koe gaahi folofola a Jihova koe folofola maa ia: o hage koe siliva kuo ahiahi i he kulo umea, kuo tuo fitu hono fakamaa.
7 E Jihova, te ke tauhi akinautolu, te ke fakamoui akinautolu mei he toutagata ni o taegata.
8 Oku eveeva ae agakovi i he botu kotoabe, oka hakeaki‘i ae kau tagata oku matuaki kovi.