¶ 1 OKU monuia akinautolu kotoabe oku manavahe kia Jihova; aia oku aeva i hono gaahi hala.

2 He te ke kai ae gaue a ho nima: te ke monuia, bea e hoko ae lelei kiate koe.

3 E tatau ho unoho moe vaine oku faa fua i ho vee fale: e tatau hoo fānau moe gaahi vaa olive oku kabui hoo keinagaaga.

4 Vakai, e behe ae monuia oe tagata aia oku ne manavahe kia Jihova.

5 E tabuaki koe e Jihova mei Saione: bea te ke mamata ki hono lelei o Jelusalema i he gaahi aho kotoabe o hoo moui.

6 Io, te ke mamata ki he fānau a hoo fānau, bea moe melino i Isileli.