¶ 1 I HE alu atu a Isileli mei Ijibite, koe fale o Jekobe mei he kakai oe lea kehe;

2 Ko hono fale tabu a Juta, mo hono buleaga a Isileli.

3 Nae mamata ki ai ae tahi, bea hola ai: nae teke‘i atu o fakaholomui a Joatani.

4 Nae hobohobo ae gaahi mouga o hage koe faga sibi tagata, moe gaahi foi mouga o hage koe faga lami.

5 Koeha nae hoko kiate koe, akoe koe tahi, koeuhi naa ke hola ai? akoe Joatani, koeuhi ke teke‘i atu o fakaholomui koe?

6 Ae gaahi mouga, koeuhi naa mou hobohobo ai o hage koe faga sibi tagata; mo kimoutolu ae gaahi foi mouga, o hage koe faga lami?

7 Akoe ko mamani, ke ke tetetete i he ao oe Eiki, i he ao oe Otua o Jekobe;

8 Aia naa ne liliu ae maka koe anovai, moe maka afi koe matavai.