Koe Tohi oe Gaahi Same
Vahe 1
1 Koe monuia oe maonioni, 4 moe malaia oe agakovi.
¶ 1 OKU monuia ae tagata oku ikai eveeva i he fakakaukau ae agakovi, be tuu i he hala oe kau agahala, be nofo i he nofoa oe manuki.
2 Ka ko ene fiefia oku i he fono a Jihova; bea ko ene fono oku ne fakalaulauloto ai i he aho moe bo.
3 Bea e tatau ia moe akau kuo to ki he vee vaitafe, aia oku omi hono fua i hono faahita‘u; bea ko hono lau foki e ikai mae; bea koia kotoabe oku ne fai e monuia.
4 Oku ikai behe ae agakovi: ka oku tatau ia moe kafukafu aia oku viligia i he matagi.
5 Koia e ikai tuu ae agakovi i he fakamāu, be koe agahala i he fakataha oe maonioni.
6 He oku ilo e Jihova ae hala oe maonioni: ka koe hala oe agakovi e auha ia.