Koe Tohi a Jelemaia

Ngaahi Folofolá

Fuakava Motuʻá

Koe Tohi a Jelemaia

Vahe 1
1 Koe kuoga moe ui a Jelemaia. 11 Ko ene mamata ki he vaa alimoni, bea moe kulo vela. 15 Koe fekau mamafa ki Juta. 17 Koe talaofa ae Otua kia Jelemaia.
Vahe 2
1 Koe fakaha e he Otua ene uluaki ofa ki he kakai Jiu. 9 Bea koe nau fakaholomui lahi. 14 Koe tubuaga oe nau tuutumaki meiate kinautolu be. 20 Koe agahala a Juta. 31 Koe liaki e Jihova e nau falalaaga.
Vahe 3
1 Koe agahala lahi a Juta, moe aloofa lahi ae Otua. 6 Oku kovi lahi a Juta ia Isileli. 12 Koe gaahi talaofa ae ogoogolelei ki he fakatomala. 20 Koe valoki ki Isileli, bea kuo ui ia e he Otua, bea oku nau vete e nau gaahi hia.
Vahe 4
1 Oku ui aki e he Otua kia Isileli a ene gaahi talaofa. 3 Oku ako aki ae gaahi mea tautea ki Juta ke fakatomala. 19 Koe mamahi lahi koeuhi koe gaahi tuutamaki o Juta.
Vahe 5
1 Koe tautea mei he Otua ki he kakai Jiu, koeuhi koe nau agatuu, 7 moe nau feauaki, 10 moe nau tae lotu, 19 moe nau fehia ki he Otua, 25 moe nau nofo kovi i he fonua, 30 moe nau fakakovi‘i ue jiaji.
Vahe 6
1 Koe fekau ae gaahi fili ki Juta. 6 Koe fekau ae Otua ke nau gaue koeuhi koe nau agahala. 9 Koe mamahi ae balofita koeuhi koe gaahi tautea mei he Otua, koe mea i he e nan agahala. 18 Koe fakaha ae houhau oe Otua. 26 Koe ui ki he kakai ke nau mamahi koeuhi koe tautea ki he e nau gaahi agahala.
Vahe 7
1 Koe fekau a Jelemaia ke ui ki he kakai Jiu ke fakatomala, ke taofi ai e nau alu ki he fakabobula. 8 Oku ne fakaha ho nau falalaaga taeaoga. 17 Oku ne fakamāu‘i akinautolu koe mea i he e nau tauhi tamabua. 21 Oku ne liaki ae feilaulau oe talagataa. 29 Oku ne akonaki ke nau mamahi koeuhi koe nau gaahi mea fakalielia i Tofeti. 32 Koe gaahi tautea koeuhi koia.
Vahe 8
1 Koe tuutamaki ae kakai Jiu i he moui moe mate. 4 Oku ne valoki lahi ki he e nau tae fakatomala. 13 Koe fakaha o ho nau tautea lahi. 18 Oku mamahi ae balofita koeuhi koe nau malaia.
Vahe 9
1 Koe tagi a Jelemaia koeuhi koe agahala lahi ae kakai Jiu. 8 Bea koeuhi koe nau tautea. 12 Koe talagataa koe tubuga ia oe nau tuutamaki lahi. 17 Koe aho ke nau mamahi koeuki koe nau malaia. 23 Ke oua naa falala kiate kinautolu ka ki he Otua. 25 Koe fakamana‘i ki he Jiu moe Jenitaile fakatauoji.
Vahe 10
1 Oku ikai tatau a Jihova moe gaahi tamabua. 17 Koe akonaki ae balofita ke buna mei he mamahi e ha‘u. 19 Oku ne mamahi koeuki koe fale fehikitaki moe kau tauhi vale. 23 Oku ne fai ae lotu.
Vahe 11
1 Koe fakaha e Jelemaia ae fuakava ae Otua. 8 Oku ne valoki ki he kakai Jiu koeuhi koe nau talagataa ki he fuakava, 11 o ne kikite ki he kovi e hoko kiate kinautolu, 18 bea moe kakai o Anatoti koe mea i he e nau buleaki ke fakabogi a Jelemaia.
Vahe 12
1 Koe lāuga a Jelemaia koeuhi koe monuia ae kau agahala, bea oku ha kiate ia e nau tuutamaki. 5 Koe fakaha kiate ia e he Otua ae kākā a hono kaiga. 7 Oku mamahi ia koeuhi ko hono tofia. 14 Koe talaofa ki he fakatomala ke nau tafol mei he fakabobula.
Vahe 13
1 Oku fakatātā aki e he Otua ae fakaauha a hono kakai ae nonoe babalagi nae fakafufu i Iufaletesi. 12 Koe gaahi hina fonu i he uaine koe mea fakatātā ia ki he kona i he mamahi. 15 Koe ako ke nau tokaga ke taofi ai ho nau tautea. 22 Koe tefito oe nau mamahi koe nau gaahi mea fakalielia.
Vahe 14
1 Koe hoge lahi. 7 Koe lotu a Jelemaia. 10 Koe fekau a Jihova ke oua naa lotua ae kakai. 13 Oku ikai te nau tonuhia i he e nau tui ki he kau balofita kākā. 17 Koe mamahi a Jelemaia koeuhi ko kinautolu.
Vahe 15
1 Koe liaki ae kakai Jiu, bea mo ho nau tautea lahi. 10 Oku lāuga a Jelemaia koeuhi koe kakai bea kuo ne ma‘u ae talaofa lelei, 12 moe fakailo oe houhau kiate kinautolu. 15 Koe lotu a Jelemaia. 19 Oku ne ma‘u talaofa lelei.
Vahe 16
1 Oku fakaha e he balofita koe tae fakamau unoho, bea moe tuku ae gaahi fale mamahi moe katoaga, koe mea fakatātā ia ki he fakaauha ae kakai Jiu, 10 koeuhi kuo nau kovi lahi i he e nau gaahi tamai. 14 Koe mea fakaofo lahi e nau foki mai mei he fakabobula i he e nau moui mei Ijibite. 16 Koe tautea lahi akinautolu e he Otua, koeuhi koe nau tauhi lahi ki he tamabua.
Vahe 17
1 Koe fakabobula a Juta koeuhi ko ene agahala. 5 Koe falala ki he tagata koe mea fakamalaia. 7 ka koe falala ki he Otua koe mea fakamonuia. 9 Oku ikai faa kākā‘i ae Otua e he loto kākā. 12 Koe fakamoui mei he Otua. 15 Oku lāuga e he balofita ki he kau manuki ki he ene kikile. 19 Kuo fekau ia ke fakafoou ae fuakava i he fakamaonioni ae ako tabu.
Vahe 18
1 Oku fakaha ae malohi oe Otua ki he buleaga kotoabe, i he fakatātā ki he tagata tufuga gaohi ibu. 11 Koe fakamana‘i o Juta koe mea i he ene tafoki. 18 Koe lotu a Jelemaia koeuhi koe kau agatuu.
Vahe 19
1 Koe maumau‘i ae ibu oe tufuga koe mea fakatātā ki he fakaauha ae kakai Jiu koeuhi koe nau agahala.
Vahe 20
1 Koe ta‘i e Basuli a Jelemaia, bea kuo liliu ai hono higoa, bea ilo hono ikuaga kovi. 7 Koe lāuga a Jelemaia, i he mea kehekehe.
Vahe 21
1 Koe fekau e Setikia kia Jelemaia ke eke ki he tau a Nebukanesa. 3 Koe kikite e Jelemaia ki he kaba moe fakabobula. 8 Oku ne ako ki he kakai ke nau fakavaivai ki he kau Kalitia, 11 bea oku ne valoki ki he fale oe tu‘i.
Vahe 22
1 Koe akonaki ki he fakatomala, bea oku fai ae gaahi talaofa moe lea fakamana. 10 Koe tautea kia Salumi, 13 mo Jihoiakimi, 20 mo Konaia.
Vahe 23
1 Koe kikite ki he fakataha ae faga sibi kuo fakamovetevete. 5 E bule e Kalaisi mo fakamoui akinautolu. 9 Koe kau balofita kākā. 33 Koe kau manuki ki he kau balofita mooni.
Vahe 24
1 Koe fiki lelei moe fiki kovi koe mea fakatātā ki he fakamoui akinautolu nae fakabobula‘i, 8 bea moe fakaauha a Setikia moe toega kakai.
Vahe 25
1 Koe valoki e Jelemaia ae talagataa ae kau Jiu ki he kau balofita. 8 Koe kikite ki he fakabobula i he ta‘u e fitugofulu. 12 Hili ia koe fakaauha o Babilone. 15 Koe fakatātā ae ibu uaine, koe fakaha ae fakaauha oe kakai kotoabe. 34 Koe tagi mamahi ae kau tauhi.
Vahe 26
1 Oku akonaki aki e Jelemaia ae gaahi talaofa bea moe gaahi fakamana ki he fakatomala. 8 Koia oku buke ai ia bea fakamāu‘i. 12 Ko ene fakamatala. 16 Koe fakatonuhia ia i he faiaga a Maika, 20 mo Ulija, 24 bea moe ofa a Ahikami.
Vahe 27
1 Oku kikite aki e Jelemaia ae mea fakatātā ae gaahi ha‘i moe haamoga ki he fakavaivai ae gaahi tu‘i kia Nebukanesa. 8 Oku ne akonaki ke nau fakavaivai bea oua naa tui ki he gaahi balofita loi. 12 Oku ne fai behe kia Setikia. 19 Oku ne kikite e fetuku ae gaahi toega ibu ki Babilone, bea tuku ai o a‘u ki he aho oe aahi.
Vahe 28
1 Koe kikite loi a Hanania ki he toe omi ae gaahi ibu mo Jekonia. 5 Koe fakaamu a Jelemaia ke mooni ia, bea ne fakaha oku ilo ae balofita mooni i he hoko a ene lea. 10 Oku maumau‘i e Hanania ae haamoga a Jelemaia. 12 Koe kikite a Jelemaia ki he haamoga ukamea, moe kikite ki he mate a Hanania.
Vahe 29
1 Koe tohi a Jelemaia ki he kau bobula i Babilone, ke nau fiemalie ai, 8 bea ke oua naa nau tui ki he miji oe kau balofita, 10 bea te nau liliu mai i he lelei i he hili ae ta‘u e fitugofulu. 15 Oku ne kikite ki he fakaauha ae talagataa. 20 Oku ne fakaha ae ikuaga kovi o Ehabi mo Setikia koe ogo balofita loi. 24 Koe tohi a Simaia kia Jelemaia. 30 Oku fakaha e Jelemaia ae tautea e hoko ki ai.
Vahe 30
1 Oku fakaha e he Otua kia Jelemaia ae liliu mai ae kakai Jiu. 4 Hili e nau mamahi te nau tauataina. 10 Oku ne fakafiemalie‘i a Jekobe. 18 E liliu mai akinautolu i he aloofa. 20 E to ae houhau ki he agahala.
Vahe 31
1 Koe fakamoui a Isileli. 10 Ko hono fakaha. 15 Koe fakafiemalie kia Lejieli nae tagi. 18 Koe fakatomala a Ifalemi bea toe omi ia. 22 Koe talaofa kia Kalaisi. 27 Ko ene tokaga ki he jiaji. 30 Ko ene fuakava foou. 35 Koe tuumau, 38 mo hono lahi oe jiaji.
Vahe 32
1 Koe tuku e Setikia a Jelemaia ki he fale fakabobula koeuhi ko ene kikite. 6 Koe fakatau ae goue o Hanamili. 13 Koe fekau kia Baluki ke ne tauhi ae gaahi fakamooni, koe gaahi fakailoga ki he liliu mai ae kakai. 16 Koe lotu a Jelemaia ki he Otua. 26 Koe fakababau e he Otua ki he fakabobula koeuhi koe nau agahala. 36 Koe talaofa ki he liliu lelei.
Vahe 33
1 Oku talaofa e he Otua e liliu lelei mai ae kau bobula. 10 Koe nau lelei. 12 Koe tuumau ae buleaga. 15 Ko Kalaisi koe vaa maonioni. 17 E mau be ae buleaga moe gaue fakataulaeiki. 28 Bea e tuu mau be ae hako monuia.
Vahe 34
1 Koe kikite a Jelemaia ki he fakabobula a Setiki a bea moe kolo. 8 Koe tukuage e he houeiki mo e kakai a ho nau kau tamaioeiki, moe toe ma‘u akinautolu kae ikai hage koe fuakava ae Otua. 12 Koe tukuage e Jelemaia, ae kakai mo Setikia ki he nima o ho nau gaahi fili, koe mea i he e nau talagataa.
Vahe 35
1 Koe talagofua ae fānau a Lekabi. 12 Koe talatalaaki e Jelemaia ae kau Jiu koeuhi koe talagataa. 18 Koe tabuaki e he Otua ae fānau a Lekabi koeuhi koe nau talagofua.
Vahe 36
1 Koe fekau a Jelemaia kia Baluki ke tohi ene kikite, 5 bea lau ia ki he kakai. 11 Bea kuo ilo ia e he houeiki ia Mikaia, bea nau fekau a Jehuti ke omi ae tohi, o lau ia. 19 Koe loto oe houeiki kia Baluki mo Jelemaia ke ne fufu akinaua. 20 Bea kuo ilo ae tohi e he tu‘i ko Jihoiakimi, bea fanogo jii ki ai, bea tutu ia. 27 Koe fakaha e Jelemaia ae malaia o Jihoiakimi. 32 Oku tohi fakafoou e Baluki ae tohi.
Vahe 37
1 Nae alu atu ae kau Kalitia mei Jelusalema, i he ha‘u ae kau tau mei Ijibite, bea fekau e he tu‘i ko Setikia kia Jelemaia ke ne hufia ae kakai. 9 Koe kikite a Jelemaia ki he toe ha‘u ae kau Kalitia bea te nau malohi. 11 Koe buke o Jelemaia o hage koe hola, bea tautea ia, mo tuku ki he fale fakabobula. 16 Oku ne fakaha kia Setika ae fakabobula. 18 Oku ne kole ke tukuage ia, bea ne ma‘u ae ofa jii.
Vahe 38
1 Koe fakakovi‘i o Jelemaia bea li ia ki he fale fakabouli o Malikia. 7 Kuo tuku jii age ia, i he kole a Ibetemeleki. 14 Oku ne akonaki fakafufu ki he tu‘i ke fakahaofi ene moui aana. 24 Oku fekau e he tu‘i kiate ia ke fakafufu ene akonaki mei he houeiki.
Vahe 39
1 Koe kaba o Jelusalema. 4 Koe fakakui a Setikia, bea ave ia ki Babilone. 8 Koe tutu oe kolo, bea ave fakabobula ae kakai. 11 Koe fekau a Nebukanesa ke fai lelei kia Jelemaia. 15 Koe talaofa ae Otua kia Ibetemeleki.
Vahe 40
1 Kuo tukuage a Jelemaia e Nebusaatani, bea alu ia kia Ketalia. 7 Koe fakataha ae kau Jiu kiate ia. 13 Kuo fakaha e Johanani ae teu laba a Isimeli, ka oku ikai ha tui ki ai.
Vahe 41
1 Koe fakabogi e Isimeli a Ketalia moe niihi, bea ne loto ke hola ki he kau Amoni moe toega kakai. 11 Kuo toe ma‘u e Johanani ae kau fakabobula, bea ne loto ke hola ki Ijibite.
Vahe 42
1 Oku tokaga a Johanani ke eke e Jelemaia ki he Otua, bea ne fakaha te ne fai talagofua kia Jihova. 7 Oku fakaha e Jelemaia e malu‘i ia i Juta, 13 kae fakaauha i Ijibite. 19 Oku ne valoki ki he e nau kākā, i he e nau kole kia Jihova aia nae ikai te nau loto ki ai.
Vahe 43
1 Oku tae tui a Johanani ki he kikite a Jelemaia, bea oku ne ave a Jelemaia moe niihi ki Ijibite. 8 Oku kikite aki e Jelemaia ae mea fakatātā ki he ikuna o Ijibite e he kakai Babilone.
Vahe 44
1 Oku fakaha e Jelemaia ae fakaauha o Juta koe mea i he e nau tauhi tamabua. 11 Oku ne kikite ae fakaauha kiate kinautolu oku tauhi tamabua i Ijibite. 15 Koe agafefeka ae kakai Jiu. 20 Oku fakamāu ai akinautolu e Jelemaia koeuhi koe mea koia. 29 Koe kikite ki he fakaauha o Ijibite.
Vahe 45
1 Koe vaivai a Baluki. 4 Oku akonaki mo fakafiemalie kiate ia e Jelemaia.
Vahe 46
1 Koe kikite a Jelemaia ki he fakaauha ae kau tau a Felo i Iufaletesi, 13 bea moe lava‘i e Nebukanesa a Ijibite. 27 Oku ne fakafiemalie kia Jekobe i he tautea.
Vahe 47
Koe fakaauha ae kau Filisitia.
Vahe 48
1 Koe tautea o Moabe, 7 koe mea i he e nau fielahi, 11 moe fakafiemalie, 14 moe falala fakakakano, 26 moe agatuu ki he Otua, mo hono kakai. 47 Koe fakamoui a Moabe.
Vahe 49
1 Koe fakamāu ae kau Amoni. 6 Ko ho nau fakamoui. 7 Koe fakamāu o Itomi, 23 mo Tamasikusi, 28 mo Keta, 30 mo Hasoa, 34 bea mo Ilami. 39 Koe fakamoui o Ilami.
Vahe 50
1, 9, 21, 35 Koe tautea o Babilone. 4, 27, 53 Koe huhui o Isileli.
Vahe 51
1 Koe tautea lahi ae Otua ki Babilone, koeuhi ko Isileli. 19 Koe tukuage e Jelemaia ae tohi kikite ni kia Selaia, ke li ia ki he Iufaletesi, koe fakailoga ki he galo hifo mau ai be o Babilone.
Vahe 52
1 Koe agatuu a Setikia. 4 Koe kabui bea moe kaba o Jelusalema. 8 Koe tamate‘i ae gaahi foha o Setikia, bea moe fakakui hono mata. 12 Koe tutu moe maumau‘i ae kolo e Nebusaatani. 24 Bea oku ne fetuku ae kau bobula. 31 Koe fakahikihiki e Ivilimelotaki a Jihoiakini.