Vahe 70
Oku kole a Tevita ki he Otua ke auha vave ae kau agahala, kae fakahaofi ae moui ae agalelei.
Ki he Takimua, koe Same a Tevita, koe fakamanatu.
¶ 1 E OTUA, ke ke fakamoui au; E Jihova, ke ke fai vave ke tokoni au.
2 Tuku ke ma mo bubutuu akinautolu oku kumi hoku laumalie: tuku ke fakafoki kimui, mo fakamaveuveu, akinautolu oku holi keu kovi.
3 Tuku ke foki kimui akinautolu, koe totogi oe nau kovi, akinautolu oku behe, Ha, ha.
4 Tuku ke fiefia mo nekeneka iate koe akinautolu kotoabe oku kumi kiate koe: tuku ke lea behe mau ai be akinautolu oku ofa ki hoo fakamoui, Ke ogoogolelei ae Otua.
5 Ka ko au oku ou majiva mo baea: E Otua, ke ke ha‘u vave kiate au: ko koe ko hoku tokoni mo hoku fakamoui; E Jihova, oua naa ke tatali.