Vahe 46
1 Koe tui ae jiaji ki he Otua, 8 moe eginaki he vakai ki ai.
Ki he takimua oe gaahi foha o Kola, koe hiva i he Alamoti.
¶ 1 KOE Otua ko ho tau hufaga moe malohi, koe tokoni lahi bea ofi i he mamahi.
2 Koia e ikai ai te tau manavahe, o kabau n e hiki a mamani, bea kabau e hiki ae gaahi mouga ki he loto tahi;
3 Kabau e uulu bea hou a hono gaahi vai, bea galulu ae gaahi mouga i he ene mahakehake. Sila.
4 Oku ai ha vaitafe, ko hono magaivai oia te ne fakafiefia‘i ae kolo oe Otua, koe botu maonioni oe gaahi fale fehikitaki oe Fugani Maoluga.
5 Oku i loto iate ia ae Otua; e ikai ue‘i ia: e tokoni ia e he Otua, i he hoko mai ae bogibogi.
6 Nae matalili ae hiteni, nae gau‘eu‘e ae gaahi buleaga: naa ne fakaogo atu hono le‘o, bea vela o vai a mamani.
7 Ko Jihova oe gaahi kau tau oku iate kitautolu; koe Otua o Jekobe ko ho tau hufaga. Sila.
8 Ha‘u, o vakai ki he gaahi gaue a Jihova, ae gaahi fakaauha kuo ne fai i mamani.
9 Oku ne fakaoji ae gaahi tau o a‘u ki he gataaga o mamani; oku ne feji‘i ae kaufana, o ne tutuu ke motuua ae tao; oku ne tutu ae saliote i he afi.
10 Mou logo be, bea ilo ko au koe Otua: teu hakeaki‘i au i he lotolotoga oe hiteni, teu hakeaki‘i au i mamani.
11 Ko Jihova oe gaahi kau tau oku iate kitautolu; koe Otua o Jekobe ko ho tau hufaga. Sila.