¶ 1 OKU mabuna hake i hoku loto ae mea lelei: teu lea ki he mea kuou gaohi ki he tu‘i: ko hoku elelo koe beni ki he tohi vave.

2 Oku ke fakaofoofa lahi i he gaahi fānau ae tagata: kuo liligi ae ofa ki ho lougutu: koia kuo fakamonuia ai koe e he Otua o lauikuoga.

3 E Fugani Mafimafi ke ke nonoo hoo heleta ki ho tuatega, i ho nāunāu mo ho malohi.

4 Bea i hoo mafimafi ke ke haele monuia, koe mea i he mooni moe agavaivai moe maonioni; bea e ako kiate koe e ho nima toomatau ae gaahi mea fakailifia.

5 Oku majila hoo gaahi gahau i he loto oe gaahi fili oe tu‘i; oku to ki lalo ae kakai iate koe.

6 E Otua, ko ho nofoaga oku lauikuoga bea taegata: koe tokotoko o ho buleaga koe tokotoko maonioni ia.

7 Oku ke ofa ki he maonioni, bea fehia ki he agahala: koia koe Otua ko ho Otua, kuo ne tākai aki koe ae lolo oe fiefia o lahi hake i ho kaiga.

8 Oku namu mula, mo alosi, mo kasia, a ho gaahi kofu kotoabe, mei he gaahi fale lei, aia kuo nau fakafiefia‘i koe.

9 Nae i hoo kau fefine ogolelei ae gaahi ofefine oe gaahi tu‘i: nae tuu ae tu‘i fefine i ho nima toomatau i he koula mei Ofeli.

10 Fakafanogo, E ofefine, bea tokaga, o fakatokaga‘i ho teliga; fakagalo‘i foki hoo kakai aau, moe fale o hoo tamai;

11 Koia e manako lahi ai ae tu‘i ki ho hoihoifua: he ko ho Eiki ia; bea ke hu kiate ia.

12 Bea e i ai ae ofefine o Taia moe mea ofa; koe kau koloaia i he kakai te nau kumi lahi ki hoo ofa.

13 Koe ofefine oe tu‘i oku lelei lahi i loto; ko hono gaahi kofu kuo lalaga aki ae koula.

14 E omi ia ki he tu‘i i he kofu oku matamata lelei hono tuitui: koe kau tāuboou ko hono kaumea aia oku muimui kiate ia e omi akinautolu kiate koe.

15 E omi akinautolu i he fiefia moe nekeneka: te nau hu ki he fale oe tu‘i.

16 E fetogi hoo gaahi tamai e hoo fānau, aia te ke fakanofo koe gaahi eiki i mamani kotoabe.

17 Teu fai ke manatu‘i a ho huafa i he toutagata kotoabe: koia e fakafetai ae kakai kiate koe o lauikuoga bea taegata.