¶ 1 NAA mau nofo ki lalo i he vee vaitafe o Babilone, io, naa mau tagi i he e mau manatu ki Saione.

2 Naa mau tautau e mau gaahi haabe i he gaahi uilou i he lotolotoga oia.

3 He nae fekau‘i ai ekinautolu naa nau fakabobula‘i akimautolu ke mau hiva; bea ko kinautolu nae fakaojioji akimautolu naa nau fekau ke mau fiefia, o nau behe, Hiva mai kiate kimautolu i he gaahi hiva o Saione.

4 E fefe e mau hiva aki ae hiva a Jihova i he fonua oe muli?

5 Kabau teu fakagalogalo‘i koe, E Jelusalema, tuku ke galo i hoku nima toomatau hono faiva.

6 Kabau e ikai teu manatu kiate koe, tuku ke bikitai a hoku elelo ki hoku oaoigutu; o kabau e ikai teu hiki maoluga hake a Jelusalema i hoku fugani fiefiaaga.

7 Manatu, E Jihova, ki he fānau a Itomi i he aho o Jelusalema; naa nau behe, Fakaauha ia, fakaauha ia, o a‘u ki hono tuuga.

8 E ofefine o Babilone, e fakaauha koe; e monuia ia, aia te ne totogi kiate koe o hage ko hoo fai kiate kimautolu.

9 E monuia ia, aia te ne too o laiki hoo fānau iki ki he maka.